Т р. Мавзулар Соат

Сохта каштан (Aesculus hippocastanum). Баландлиги 25 м га етадиган йирик дарахт.
Ойлук павловнияси (Paulownia tomentosa). Табиий ҳолда Хитойда ўсади. Баландлиги 15‒20 (25) м келадиган, тез ўсадиган жуда йирик дарахт.
Дала заранги (Acer campestre) – Ўзбекистон шаҳарларини кўкаламзорлаштиришда анча кенг қўлланилади. Бўйи 15‒25 м га, диаметри 50‒60 см га етади.
Чинорбарг заранг (Acer platanoides) – бўйи 30 м га етадиган йирик дарахт, шох-шаббаси қалин, тарвақайлаб ўсади ва новдалари зич жойлашган.
Сохтачинор заранг, явор (Acer pseudoplatanus) – заранглар ичида энг чиройли, жуда йирик, бўйи 40 м гача етади.
Кумуш заранг (Acer saccharinum) – Ўзбекистон шаҳарларини кўкаламзорлаштиришда кенг қўлланилиб келинади. Бўйи 30 м га етадиган йирик, тез ўсувчи, манзарали дарахт бўлиб, 100‒150 йил яшайди.
Шарқ чинори (Platanus orientalis) – жуда йирик ва юксак манзарали дарахт. Бақувват дарахт бўлиб ўсиши, қалин барглар билан қопланган чиройли шох-шаббаси, йирик панжасимон барглари, силлиқ ва сарғиш-кўкимтир тусдаги оқиш танаси – буларнинг барчаси ўсимликка ажиб манзара касб этадиган жиҳатларидир.
Япон софораси (Sophora japonica) – жуда кенг кўламда экиш тавсия этиладиган ўсимлик. Тошкент шаҳри шароитида 100 ёшли дарахтларнинг бўйи 20 м га, айланасининг узунлиги 3 м га етади.
Лола дарахти (Liriodendton tulipifera). Табиий ҳолда Шимолий Америкада ўсади. Бўйи 40 м га етадиган йирик дарахт бўлиб, тик ўсадиган танаси оқиш­кулранг, шох-шаббаси конуссимон ёйилиб ўсади. Шумтол, ясень (Fraxinus). Ўзбекистонда 10 дан ортиқ турлари маданий ҳолда ўстирилади. Улар қаторини бахмал шумтол (Fraxinus velutina), зангори шумтол (F. quadrangulata), яшил шумтол (F. viridis), оддий шумтол (F. excelsior), Пенсильвания шумтоли (F. pennsylvanica), Суғдиёна шумтоли (F. sogdiana) сингари турлар ташкил қилади.


БУТАЛАР
Ҳинд лагестремияси, ҳинд сирени (Lagestroemia indica). Табиий ҳолда Хитойда ўсади. Бўйи 5 м га етадиган бута. Гуллари оқ, пушти, қизил, шунингдек, малина ва сирень рангларда бўлиб, узунлиги 20 см келадиган, шингилсимон тўпгулда жойлашган.