Спорт таълими муассасаларида спортчилар тайёрлаш ўҚув дастурлари режаси таҳлили

Ўқув-машғулоти босқичи.
Ўқув-машғулоти (2 йилгача ўқув) босқичида йиллик цикл тайёргарлик ва мусобақа даврини ўз ичига олади. Асосий эътибор ҳар томонлама жисмоний тайёргарлик, функционал имкониятлар даражасининг ортиши, махсус жисмоний тайёргарлик элементлари билан воситаларнинг қўшилиши, техник-тактик кўникма ва усуллар захирасининг кейинчалик кенгайиши қаратилади. Йиллик цикл якунланиши билан ёш спортчилар ўтказиш – назорат меъёрларини бажаришлари, мусобақаларда қатнашишлари шарт (18-жадвал).
Ўқув-машғулоти (2 йилдан кўп ўқув) босқичи машғулотларини режалаштиришда тайёргарлик даврида УЖТ воситалари билан ҳар томонлама жисмоний ва функционал тайёрланганлик даражасининг келгусидаги ўсиши ва шу базада максимал жисмоний ишчанлик даражасининг ошиши, махсус жисмоний сифатларнинг ривожланиши, техник кўникмаларни эгаллаши масалалари ҳал этилади.
Мусобақа даврида ўтган мавсум спорт натижаларини яхшилаш, шунингдек, ўтказиш – назорат меъёрларини бажариш масаласи қўйилади (18-жадвал).

Спортда камолотга эришиш босқичи.

Спортда камолотга эришиш босқичида ҳам йиллик цикл тузилмаси худди ўқувчиларнинг ўқув-машғулоти босқичидаги тайёргарлик каби сақланиб қолинади.
Спортда камолотга эришиш босқичидаги ўқув – машғулот ишларининг асосий принципи – ихтисослаштирилган тайёргарлик, қайсики унинг замирида ёш спортчиларнинг индивидуал, ўзига хос қобилиятлари ҳисоби ётади.
Спорт мактаблари ўқувчилари тайёргарлигининг йиллик цикли асосий мусобақалар тақвимини ҳисобга олган ҳолда тузилиши керак. Соатлар сонини умумий кўпайтириш фонида махсус машқ юкламалари ҳажмини ва мусобақалар сонини ошириш, тикланиш тадбирлари учун ажратилган вақтни кўпайтириш лозим. Ёш спортчилар ишчанлилигини тиклашда педогогик воситалар билан бир қаторда физотерапевтик воситалардан ҳам фойдаланиш мумкин.
Спорт мактаблари ўқувчиларини кўп йиллик тайёргарлиги жараёнида йиллик машғулотларнинг маълум бир босқичлари учун ишлаб чиқилган ҳафталик (масалан: чўзиладиган, катта ҳажмлик машғулот, тезкор – куч тайёргарлиги, техник тайёргарлик, мусобақа олди, енгиллаштирувчи ва бошқа) циклдан фойдаланиш мумкин (18-жадвал).

3.