Шапка комедия Қатнашувчилар

О р о л б о й. Лаббай.
С о д и қ. Отангиз, юз қўлини ювишни истак айлайди.
О р о л б о й. Хўп, ҳозир.
Оролбой ичкаридан елкасида сочиқ билан қўлида обжуш ва обдаста олиб чиқади. Саҳна бурчагига обжушни қўяди. Оролбой сув қуяди. Содиқ юз қўлини ювгач сочиққа юзини артади.
О р о л б о й. (уялиб) Ота…
С о д и қ. Ҳа.
О р о л б о й. Ойим дадангни юзига сув қуйиб турсанг даданг сенга шапка олиб беради деган эди. Қачон олиб берасиз, дада?
С о д и қ. Ё товба, ҳозир ҳамма яхшилиги учун сендан манфаат кутсая. Бор мактабинга кечга қоласан. (Оролбой хафа бўлиб уйга кириб кетади).
Содиқ супага келиб ўтиради. Унгача дастурхонни келиб тузаб турган келинига қараб онаси
Г у л з о р. Чой тайёр бўлиб қолдими, қизим.
С а н а м. Хўп, ҳозир (чиқиб кетади)
Онаси Содиққа қараб
Г у л з о р. Кеча қишлоқдаги қўшни кампирлардан бир гап эшитиб қолдим. Нариги маҳаллада катта бир завод қурилибди. Ўшанга ҳамма бориб ишга жойлашаётган эмиш, сен ҳам анави сандиқда чанг босиб ётган дипломингни олиб борсанг, иш-пиш чиқиб қолар.
С о д и қ. Яна синов муддати берсачи?
Г у л з о р. Шунинг учун улардан олдин ўзинг айт. Бир ой эмас икки ой синасангиз ҳам майли, мен ишлайман деб айт, болам.
С о д и қ. Она…
Ўша пайт Гулзор чой қуйилган пеёлани келинининг қўлидан олиб Содиққа қараб
Г у л з о р. Гап қайтарма, ҳозир қўлимдаги чойни юзинга сепиб юборайми. Ундан кўра устингни алмаштириб, бор, айтганимни қил.
С о д и қ. (хотинига ачичиқ қилиб) бор, кийимларимни тайёрла.
С а н а м. Қайси кийимингизни?
С о д и қ. Ўзи битта кўйлагим бор-ку, овсар (Санам чиқиб кетади.)