Шапка комедия Қатнашувчилар

С о д и қ. Бўлмаса молхонага бориб бақир.
С а н а м. Сизга бақирганим йўқ. Ана оғлингизни урушаяпман.
С о д и қ. (жаҳли чиқиб) Ёш болада нима айб, уни нега уришасан. Ҳозирдан шунақа уришаверсанг катта бўлгандан кейин “Она, онажон деб кимга меҳрибонлик қилади?”. Анави Ойшага меҳрибонлик қиладими?
С а н а м. Ўша эрдан чиққан Ойша ўлгур билан ўрталарингизда нимадир борлигини ўзи кўнглим сезгандия. (супургисини жаҳл билан ерга ташлаб) Айтинг, ўрталарингизда нима бор? Хўш… айтинг.
Содиқ озгина чўчигандай бўлиб ундан кўзини олиб қочади. Ўша пайт молхона тарафдан молларнинг овозини ўчириб қайтаётган Оролбой кўринади. Содиқ унинг устидаги кийимга қараб:
С о д и қ. Тўғри уришибсан, хотин. Гапингда жон бор. Бунингни кийиб олган кийимини қара.
О р о л б о й. (Кийимини ушлаб) нима қилибди, ота, устимга?
С о д и қ. Устингдагини молхонадан бошқа жойга кийиб бўлмайди ўзи. Яна менга гап қайтарадиган бўлсанг, устингдагини йиртиб ташлайман. Бор, устингдагини алмаштириб чиқ. Мен сени ёнингни олиб ўтирибман - а.
С а н а м. Бақирманг, ўғлимга. (Бошини эгиб ўтирган Оролбойни ёнига тортиб) Устидаги кийимга нима қилибди. Онам олиб берган истаганча кияди. Ундан кўра Ойша кимлигини айтинг?
С о д и қ. Кўрдингми, онанг шу ерда ҳам менга психалогик зарба беришга уринган. (бақиради)
Бу бақир - чақирни эшитиб ичкари уйдан Содиқнинг онаси чиқиб келади.
Г у л з о р. Келинпошша, секинроқ , сиздан ташқари ҳам бу уйда одамлар бор.
Ўғлининг олдига келиб :
Г у л з о р. Тур-e, ўрнингдан. (супага ўтира туриб) Келин, cиз, яхшиси, нонуштани тайёрланг.
С о д и қ. Ва ниҳоят, ҳакам қўпол ўйин кўрсатгани учун ўйинчига қизил карточка кўрсатади. (Икки қўли билан онасини кўрсатиб)