Шапка комедия Қатнашувчилар

Г у л з о р. Ишни битириб келгач, телевизорни ҳам ўҳшатиб кел, кечга серялим бошланади.
С о д и қ. (Чуқур хўрсиниб) Хўп.
Ўша пайт Санам қўлида кўйлак билан чиқиб келади ва эрига кўйлагини тутганча, пичирлайди.
С а н а м. Дадаси, ишни битириб келганингиздан сўнг…(ўйланиб)
С о д и қ. Нима сўнг.
С а н а м. Кечаги шамол анави молхонамизнинг шапкасини учириб кетган. Шуни эртароқ келиб қўйиб берсангиз.
С о д и қ. Нима у, шапка?
С а н а м. Шу молхонанинг (қўлини учбурчак қилиб кўрсатиб) устида шапка.
С о д и қ. Э, товуқмия, у шапкамас том дейилади, том. Томи кетган.
Хотини қайтиб кетади. Содиқ онасига қараб.
С о д и қ. Она, бориб келишимга бир икки сўм бериб туринг. (Онасининг ёнига бориб қўлини узатади)
Г у л з о р.( Онаси боласининг пул сўраб қўл чўзаётганини кўриб бирдан қўлини дуога очиб) Оллоҳим, паноҳида ўзи асрасин. Ишингни ривожини берсин. (овмин қилади) Олтин олма, дуо ол, дейишган қани бор, кетар одамга йўл яхши, йўлингдан қолма, болам.
С о д и қ. (Содиқнинг қўллари очиқ қолиб) Дуо олтин эмас- ку (Қўллари билан апл –тапл овмин қилиб чиқиб кетади)
Чироқлар ўчади.
Саҳна бошлиқнинг хонасини эслатувчи қилиб жиҳозланган. Котибанинг стол – стули ва кутиш жойи. Котиба компютерда ишлаб ўтиради. Содиқ кириб келади.
С о д и қ. (ҳаяжонланиб) Салом.
К о т и б а. (компютердан кўзини узмай) Салом.
С о д и қ. (Котибани гапга тутиш мақсадида) Завод очилганига қанча бўлди?
Котиба. Ўн беш, йигирма кун.
Содиқ. (Янада ҳаяжони кучайиб) Бу ерда ишлаётганизга неча йил бўлди?
К о т и б а. (Бошини компютердан кўтариб жиддий оҳангда) Бугун бешинчи кун.