Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Севинч йилаб юборади: Йўқ ойижон, илтимос бизга оқ фотиҳа беринг. Мен сизни норози қилиб, уйдан кетмоқчи эмасман. Оқ фотиҳангизни беринг.
Осиё гапга аралашиб: Ойи хоп дея қолинг. Бу қайсар барибир ўша Жавоҳиридан воз кечмайди.
Гулзода опа кесатиб: Жавоҳир исмини қара. Чўнтагида ортиқча бир чақаси йўқку, исмлари Маржонгул деганлари шу бўлса керакда. Эй ўша икки йил олдин доставка заказ қилмай мен ўлай. Ҳозир шу савдолар бошимда бўлмасмиди... деганча кўзлари орқали кадрга кириб кетилади... ЗТМ...
7 – ЭПИЗОД.
Кадрда Ретро кадр. 2 йил аввалги ҳолат.
Кадрда Гулзода опанинг эшиги жиринглайди.
Гулзода опа: Севинч эшикка қараб юбор, доставка келди шекилли?
Ширин чиройли кийиниб олган Севинч эшикни очади.
Эшик олдида эса қўлида лаваш солинган қоғоз пакетни кўтарганча Жавоҳир турарди. Иккиси сўзсиз бир бирига қараб қолишади.
Жавоҳир: Ҳалиги... лаваш заказ қилганмидингиз?
Севинч: Ҳа, ойим буюртма бергандилар.
Жавоҳир: Мана буюртмангиз.
Севинч буюртмани ола туриб: Қанча бўлди?
Жавоҳир жилмайиб: Ҳеч қанча?
Севинч: Қанақасига?
Жавоҳир: Бугун бизда акция кетяпти. Буюртмачиларга текинга тарқатяпмиз. Сиз ҳам акциямизнинг омадли иштирокчиларига айлангансиз.
Севинч кулимсираб: Зўрку, агар тўймай қолсак яна буюртма қиламиз текин акция бўлса... деганча кулиб қўйиб, йигитга яна бир бор чиройли қараб қўйиб, эшикни ёпади. Жавоҳир бироз эшик олдида туриб қолади.
Севинч ҳам эшикнинг ички глазнойидан қараб туради, ичида: Чиройли йигитакан. Кўзларини боқишлари бошқача экан. Исми нима экан а?... ЗТМ...
8 – ЭПИЗОД.
Кадрда яна ҳозирги пайт. Гулзода опани хонаси.
Севинч: Ўшанда бир кўришда иккимиз бир биримизни ёқтириб қолдик. Неча кун эшигимиз тагига қатнаб, охири мен билан танишдилар. Ишонинг ойи, Жавоҳир ака ҳозирги замонни шўх, баъзи бетайин йигитларига умуман ўхшамайдилар. Ўшандан бери бир кун ҳам кўришмаган кунимиз бўлмади ойи. Мен уларсиз яшолмайман.
Гулзода опа: Мени орзу ҳавасларим нима бўлади қизим? Менам дугоналаримга ўхшаб қизларини данғиллама тўйларида керилиб ўтиргим келади. Бунинг тўй қилишга қурби етармикан?