Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Осиё: Ойим ўлсалар ҳам сени Жавоҳирга бермайдилар. Боя Дилшод келганди, бир нималарни гаплашиб, режалар тузишди.
Севинч: Опа мен Жавоҳир акамни яхши кўраман. Улардан бошқасига асло тегмайман. Нега ойим қарши бўляптилар.
Осиё: Ойим тўла тўкис ҳаётни яхши кўрадилар, биласан дадам билан ҳам мана шундай шароит яратиб беролмаганларига ажрашиб кетганлар. Лекин дадамдан кейин ҳам барибир ойим орзу қилгандек тўкис яшолмадик. Энди эса ниятлари бой куёвларни илинтириб, давру даврон суриш. Мендан умидларини узганлар, чунки боласи билан қайтиб келган жувонга қайси бой йигит уйланаман деб кўз сузиб турибди. Сени эса севадиган бойвочча Дилшод турганда уни асло қўлдан чиқармайдилар. Так что сингилжоним ўша камбағал етимча йигитингни унут.
Севинч кўзлари ёшланиб: Йўқ опа, мен бахтимни бойликка алмашмоқчи эмасман. Жавоҳир акам билан албатта бахтли бўламан. Илтимос сиз мен томон бўп туринг.
Осиё: Кошки ойим мени гапимни бир чақага олсалар.
Севинч: Ҳар ҳолда сиз қўллаб турсангиз, мен дадилроқ бўламанда опажон.
Осиё кулимсираб: Майликуя, лекин сен ўша ҳеч вақоси, ҳеч кими йўқ, оддий етим йигит билан бирим икки бўлади деб ўйлаяпган бўлсанг адашасан. Чунки энг кучли муҳаббат ҳам йўқчилик, қашшоқлик олдида йўқ бўп кетади. Кейин афсус қилишинг аниқ. Яна ўзинг биласан.
Севинч: Афсусланмайман опа.. жиддий кўзларида қатъият бор эди. ЗТМ...
5 – ЭПИЗОД.
Кадрда Жавоҳир ишлайдиган Лавашхона олди.
Жавоҳир энди доставка сумкасини кўтарганча велосипедга ўтираётганда, яхши машинасида Дилшод келиб уни олдини тўсиб тўхтайди. Жавоҳир унга қараб қолади.
Дилшод гердайиб машинасидан тушиб: Ҳа бойвочча доставкага кетяпсанми? Шу ишинг билан Севинчга уйланиб боқмоқчимисан? Ёки тўйдан кейин унга ҳам ҳар куни лаваш доставка қиласанми?
Жавоҳир: Сени нима ишинг бор? Йўлингдан қолма.
Дилшод уни елкасига қўлини қўйиб: Менга қара йигитни гули, сен билан яхшиликча келишиб олайлик. Сен Севинчни тинч қўй. Мен шу заҳоти сенга мана шу машинамни ташлаб кетаман. Мана бу шармандали қулчилик ишингдан ҳам қутуласан. Кира қиласан, пул топасан. Одамлардек яшайсан. Жавоҳир мийиғида кулимсираб: Демак мен севгимни сени машинангга алмаштирарканманда.
Дилшод: Хоп де, барибир Севинч сени яратиб беролмайдиган тўкис ҳаётсиз яшолмай тўйдан кейин сени ташлаб кетади. Ҳозир уни кўзини вақтинчалик севги муҳаббат кўр қилиб қўйган. Ундан кўра мана калит, машинали бўп қолсангчи. Кўча тўла қизку, бошқасини топасан.