Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Гулзода опа: Менам шуни айтаманда, бу чувринди билан хору зор бўласан десам ҳам пинагини бузмайдида. Буни бир йўлини қилмасак бўлмайди.
Дилшод: Сиз ўйланиб сиқилманг. Мен у йигит Севинчни тинч қўйиши учун оғзига сиққан пулни бераман. Йигит ўзи воз кечса Севинч мажбур бўлади уни ташлаб кетишга.
Гулзода опа: Буни яхши ўйлабсиз. Лекин у пулни олармикан?
Дилшод мийиғида кулимсираб: Ия онажон, дунёда пулни кучи нималарга қодирлигини билмайсизми? Агар шундаям кўнмаса, унда ўзидан кўрсин яланоёқ. Шундай дўппослатаман, онасидан туғилганига пушаймон бўлади.
Гулзода опа: Яна ҳалиги бир бало қилиб қўйиб, қамалиб қолманг а? Номига қўрқитиб қўйинг.
Дилшод: Хавотир олманг онажон. Худо ҳоҳласа бу ишни ур сурсиз, пул билан ҳал қиламан.
Гулзода опа: Сизга ишонаман ўғлим.
Дилшод: Энди мен борай она.
Гулзода опа: Ошим тайёр бўлаётганди.
Дилшод кулимсираб: Олдин сизга куёв бўлиб олай, кейин ош ейиш қочмас... деганча кулимсираб ўрнидан турдаи.
Гулзода опа ҳам хурсанд: Илоҳим айтганиз келсин, шу хонадонимга эгилиб куёв бўлиб кириб келган кунизни кўрсам армоним йўқ... деб энтикиб қўяди. Дилшод: Шунақа бўлади ҳали... деб керилганча чиқиб кетади... ЗТМ...
4 – ЭПИЗОД.
Кадрда Гулзода опани дом маҳалласи олди.
Осиё қизчаси Сабина билан қўл ушлашиб келишяпти. Уларни ортидан синглиси Севинч келяпти.
Севинч: Осиё опа.
Осиё ортига қараб синглисини кўриб: Нечук бугун вақтли келяпсан Севинчхоним? Сабина: Холажон... деб Севинчни қучоқлайди.
Севинч сумкасидан нимадир ширинлик чиқариб жиянига бериб, уни қучоқлайди: Сабинм ўзимми, асал жиянчам, холаси асали... деб ўпиб қўяди.
Севинч: Ойим билан гаплашадиган жиддий гапим борийди.
Осиё: Тинчликми ишқилиб?
Севинч: Жавоҳир акам билан турмуш қуриш ниятимиз бор. Совчиларини юбормоқчилар.