Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

4. Дом маҳалласи кўчалари. 5. Чиройли учрашув маскани.
6. Бойвочча Дилшоднинг машинаси ва машина ичкариси.
САҲНАЛАШТИРИЛГАН ЛАВҲАЛАР:
(Вокеа Ҳаётий воқеалар асосида саҳналаштирилди)
1 – ЭПИЗОД.
Кадрда Гулзода опанинг уйини кухняси.
Севинч булочка орасига колбаса кесиб, бутерброд қилганча тез ҳаракатлар билан уни салафанга соляпти.
Кухняга онаси Гулзода опа кириб келяпти: Яна қаерга кетяпсан? Ўша ялангоёқ билан учрашувгами?
Севинч: У ялангоёқмас ойи. Битта айби ота онаси болалигида ўлиб кетишгандан кейин бобоси ўлими олдидан уни болалар уйига топширган. У болалар уйини боласи бўлганига қабул қилгингиз келмаяпти. Аслида бир марта бўлсаям гаплашиб кўрсангиз, қандай яхши йигитлигини биласиз ўзиз.
Гулзода опа: Менга зурур ҳам келгани йўқ, ўша қашшоқвачча билан гаплашаман деб. Сени эса барибир бойвочча Дилшодга бераман.
Севинч: Ўлсам ҳам у бетайин мақтанчоққа тегмайман... деганча кетишга ҳаракат қиляпти.
Гулзода опа: Ҳеч қаерга бормайсан, у билан учрашувга нуқта қўяман.
Севинч: Ойи бекорга уринманг, яхши ўтиринг... деганча онасини ўпиб чиқиб кетади.
Гулзода ўзига ўзи: Бу бола жувонмарг қизимни бошини роса айлантириб қўйган шекилли? Бу кетишда ўша ялангоёққа турмушга чиқаман деб туриб олишиям ҳеч гапмас. Буни бир Дилшодбек билан маслаҳатлашмасак бўлмайди шекилли... деганча ўйланиб қолади... ЗТМ...
2 – ЭПИЗОД.
Кадрда учрашув маскани.
Икки севишган қалб Жавоҳир ва Севинч учрашишган. Бирорта ўриндиқда ўтиришибди. Севинч сумкасидан салафанга ўралган бутербродни чиқариб: Жавоҳир ака еб олинг, ишдан келяпсиз... деб табассум қилиб узатади.
Жавоҳир: Севинч менга ҳар куни нимадир ташиб чиқишингни йиғиштиргин. Ахир ишлайдиган жойим лавашхона бўлса овқатланиб юраманку.
Севинч зўрлаб уни қўлига тутқазиб: Биламанку тўйимиз учун пул йиғаётганиззи, пулизга олиб емайсиз.