Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Жавоҳир: Кўча тўла қиз бўлса нега сенам мени Севинчимга осиляпсан, ўзинг топавер бошқасини.
Дилшод: Мен болалигимдан бировни ўйинчоғини тортиб об қўйишни яхши кўраман. Севинчни ҳам сендан тортиб олмагунимча кўнглим тинчимайди.
Жавоҳир: Севги сен учун ўйинчоқ бўлса, мен учун эса бутун ҳаётим. Ўлдирсанг ҳам ундан воз кечмайман бойвочча... дейдида велосипедини четроққа олиб, ўтирганча доставкани олиб кетади.
Дилшод бир чеккага туфуриб: Тфу ялангоёқ, чўнтагида ҳемири йўқку керилишини қара. Ҳали шошмай тур, сен билан бошқача гаплашаман. Мен оғиздаги ошни олдириб қўядиганлардан эмасман... деганча дарғазаб қараб қолади... ЗТМ...
6 – ЭПИЗОД.
Кадрда Гулзода опани хонадони.
Хонадон зал хонаси. Гулзода опа нимадир қўлда тикиб ўтирибди. Ортидан келган қизи Севинч онасини бўйнидан қучиб: Ойижон сизда гапим борийди.
Гулзода опа: Гап яна ялангоёқ йигитинг ҳақида бўлса, гапирмай қўяқол.
Севинч: Ойи у жуда меҳнаткаш, ҳалол, қалби тоза, пок йигит. Мен уни икки йилдан бери биламан. Мен фақат у билангина бахтли бўла оламан.
Гулзода опа кўзлари ёшланиб: Қизим унга тегсанг, ҳаётинг осуда ўтмайди. Қачон қарама ҳар ердан йўқчиликлар бош кўтариб чиқиб келаверади. Хоп бошида бир амаллаб яшарсизлар. Кейин болали бўлгандан кейинчи, рўзғор, бола чақа ташвиши. Уни ота онаси бўлмаса, қарашиб турадиган ака укаси бўлмаса. Якка отни чанги чиқмас, чанги чиқсаям донғи чиқмас дейишган ота боболаримиз. Ҳаётинг меникидек ўтиб кетишини ҳоҳламайман.
Севинч: Ойи сизни ҳаётингиз шундай ўтишига ўзингиз сабабчисиз. Дадам яхши инсон эдилар. Пул тополмайди, бўш латта деб ўзингиз ажрашиб кетдингиз. Мен сизни йўлингиздан кетмайман. Ҳаётда учрайдиган ҳар қандай қийинчиликка чидайман, эрим билан елкама елка бирга тураман.
Гулзода опа: Мен сени ҳаётда курашиб яшашингнимас, ялло қилиб, мазза қилиб яшашингни ҳоҳлайман қизим. Эртага болаларингга на егулик, на кийим кечак қиберолмайдиган, сени орзуларингни рўёбга чиқара олмайдиган эрни бошингга урасанми? Дилшодга тег. Ҳеч нарсага зориқмай яшайсан.