Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Йўргакланган чақалоғини ва қўлида бир сетка нарсаларни кўтарганча онасини уйига Севинч келади. Зал хонага киришади.
Эшик олдида чақалоқни (йўргак ичида чақалоқ бўлиши шартмас) опаси Осиё дарров қўлидан олади.
Гулзода опа қизи билан қучоқлашиб кўришиб: Яхши келдингми қизим? Кирақол. Вой нималар кўтариб келдинг?... деб оғир сеткасини қўлига олади.
Севинч: Жавоҳир акам қандолатчилик цехимиздан чиққан ширинликлардан сизларга бериб юбордилар. Еб кўриб баҳо беринглар.
Гулзода опа: Қизим эринг билан шунча ишни амалга оширибсизлар, бир оғиз ҳам ндамаганингни қара. Телевизорда кўриб ҳайрон бўп қолдим.
Севинч: Ойижон сизга шу пайтгача айтмаганимни сабаби, сиз бизни ютуғимизга ишонмаган бўлардингиз. Чунки куёвингизни менсимаслигингизни биламанку. Куёвингиз банкдан кредит олиб, қандолатчилик цехи очдилар. Энди бу цехда ишлаб чиқарилган маҳсулотлар шаҳримиздаги дўконларга, озиқ овқат магазинларига тарқатилади. Худо ҳоҳласа ишларимиз аста секин йўлга тушиб кетди. Набирангизни қадами қутлуғ келиб, дадасини бой қилди.
Гулзода опа кўзларига ёш олиб: Ўзи данғилатиб бешик тўйини ўтказгандаям ҳайрон бўлгандима? Мен кимдандир катта қарз олибдимикан, энди бу қарзни қандай узишаркан деб ўйлаб юргандим.
Осиё: Ана ойижон, сиз менсимаган куёвингиз катта бизнесмен бўп кетибди.
Гулзода опа: Вой ўзим айланай, шу юмшоққина, юввошгина, уқувсиз куёвим шунақа катта бизнесмен бўп кетдимия. Тўғрисини айтсам, сен қийинчиликларга, йўқчилликка чидолмай қайтиб келасан деб ўйлагандим.
Осиё: Кўрдизми ойижон синглим кичик бўлсаям биздан ақлли чиқди. Камбағал, етим, оддийгина доставкачи эрини бизнесмен бўлиб етишишига ишонди, уни қўллаб қувватлади.
Севинч: Биласизми ойижон, опажон бу ерда биттагина ҳақиқат бор. Мени дадажоним ҳам, поччам ҳам севилмаган эр бўлишди, шунинг учун сизлар уларни ташлаб кетдингиз, қўллаб қувватламадингиз, улардаги ўзига бўлган ишончни кучайтирмадингиз. Мен эса эримни чин дилдан севдим, уларга ишонишимни, ҳар қандай қийин ишни ҳам эплашларини ҳар дақиқада уларга эслатиб турдим. Ўзига бўлган ишончларини кучайтирдим. Натижада эса ўз қобилиятларини ишга солиб, ҳаётда ўз ўринларини топиб, бойлик, обрў орттирдилар. Бу ерда оддий ҳақиқат ҳаётда севимли ва суюкли бўлиш ва яқин инсонининг кўмаги ва ишончидир. Гулзода опа ва қизи Осиё бир нуқтага тикилганча ўйланиб қолишади... ЗТМ...


Кадрда кўрсатув ижодкорлари титри берилади.
Т А М О М