Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Севинч кулиб: Унгча яна камабағал бечоралар деб устимиздан кулиб туришарканда.
Жавоҳир ҳам кулиб, хотинини бурнини чимчилаб: Ўрганиб қолганмизку, ҳафа бўлмаймиз... Иккиси кулиб юборишади... ЗТМ...
Кадрда титр берилади: Орадан вақт ўтди...
14 – ЭПИЗОД.
Кадрда Гулзода опани уйи.
Эрталаб эшик қўнғироғи жиринглайди.
Гулзода опа эшикни очса куёви Жавоҳир жилмайиб турибди: Ассалому алайкум ойи.
Гулзода опа унчалик куёвини хушламай: Валейкум ассалом, келинг куёв.
Жавоҳир: Ойи сизни табриклаганни келдим. Ўғил невара муборак бўлсин.
Гулзода опа кўзлари порлаб: Вой қизим эсон омон қутулиб олдими? Табриклайман, илоҳим умри билан берган бўлсин. Қани уйга киринг.
Жавоҳир: Рахмат мен Севинчни олдига боришим керак.
Гулзода опа: Ишқилиб болаям онаям соғломми? Ҳомиладорлик пайтида унчалик яхши еб ичишмади. Бола нимжонмасми?
Жавоҳир: Иккисиям соппа соғ ойи, хавотир олманг.
Гулзода опа: Жавоҳир, тўйда қариндош уруғларим олдида анчагина изза бўлгандим. Энди қизим роддомдан чиқишига катта қилиб бешик тўй ўтказамизми деб тургандим. Тайёргарлигиз борми ишқилиб?
Жавоҳир: Амаллаймиз ойи, хавотир олманг.
Гулзода: Амаллаш керакмас, чиройли қилиб ўтказиш керак айланий.
Жавоҳир: Хоп бўлади. Сиз айтгандек ўтказамиз.
Гулзода ичида, куёвига энсаси қотиб қараб турганча: Хоп бўладимиш. Пулинг бўлмаса битингга ўтказасанми қуруқ?
Жавоҳир ўйланиб қолган қйнонасига қараб: Майли ойи, худо ҳоҳласа қизиз роддомдан чиқишига катта қилиб бешик тўйга айтаверинг. Чиройли қилиб, ресторанда ўтказамиз. Энди мен борай... деганча хайрлашиб кетади. Гулзода опа туриб қолади... ЗТМ...
15 – ЭПИЗОД.
Кадрда хонадон кухняси.
Гулзода опа ҳаёл суриб ўтириб қолган.
Ёнига Осиё келади: Ойи кимакан? Чиққунимча кетиб қоптими?
Гулзода: Ким бўларди, сўтак куёвим.