Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Гулзорда опа хонасида телевизор кўриб ўтирибди. Телевизорда кетаётган кадрлар кўрсатилиши шартмас. Фақат унга тикилиб ўтирган Гулзода опанинг кўзларида ёш эди.
Хонага Осиё кириб келади. Синхрон кадрлар.
Гулзода опа телевизорни пультдан ўчиради.
Осиё: Ойижон тинчликми, нега телевизор кўриб йиғлаб ўтирибсиз?
Гулзода опа: Биласанми қизим, ҳозир телевизорда биз менсимаган, камбағал, етим деб бир чақага олмаган куёвим Жавоҳирни кўрсатишди.
Осиё: Нима деб кўрсатишди?
Гулзода опа: Жавоҳир каттагина бизнесмен бўп кетибди. Катта қандолатчилик цехи очиб, ишлари ривожланиб кетибди. Цехда 30 хил турдан ортиқ ширинликлар турлари ишлаб чиқарилаётган экан. Бу цехдаги маҳсулотларга шаҳар бўйича талаб каттамиш.
Осиё: Йўғей, адашмаяпсизми аниқ бизни куёвимиз Жавоҳирми?
Гулзода опа: Ҳа, ўлибди кўздан қолганим йўқку, куёвимни танимайманми? Ҳатто ўзи интервью ҳам берди. Биласанми у нима деди?
Осиё: Нима деди?
Гулзода опа кўзлари ёшланиб: Мени барча муваффақиятларимни ортида севгилим, рафиқам, менга илҳом берувчи фариштам Севинчим турибди деди. Мен эса юввошгина дадангни қўлидан иш келмайдиган латта деб ҳайдаб юбориб, умр бўйи сизларни отасиз ўстирдим, ота меҳридан мосуво қилдим. Қизим эса мендан ақлли чиқди. У ҳеч ким менсимаган, оддийгина камбағал бир йигитни севиб, уни шу даражага кўтарди... деб йиғлаб юборади...
Осиё: Ҳа ойи, синглим ёш жиҳатдан мендан кичик бўлса ҳам, ақл жиҳатдан мендан анча катта экан. Мен ҳам бир тийинга олмай ажрашиб кетган эримни ҳозирги рафиқаси соясига кўрпача солиб, ҳурматини жойига қўйиб олиб, бахтли яшаб юрибди. Қизим эса отасиз ўсяпти. Менам эримни қўллаб қувватлаб, уни камчилиги устидан кулиб, сендек ҳеч нарсага ярамайдиган эр нимага керак ўзи деб ташлаб кетмаганимда ҳозир бахтли оила бекаси бўлиб яшаётган бўлармидим балки... деганча йиғларди... ЗТМ...
18 – ЭПИЗОД.
Кадрда Гулзода опани уйи.