Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Шу пайт югурганча Севинч етиб келади.
Севинч: Дилшод сиз бу ерда нима қиляпсиз? Мен сизга нима дегандим. Бизни тинч қўйинг.
Дилшод: Севинч ойинг биз бирга бўлишимизни ҳоҳлаяптилар.
Севинч: Мен ойимни Жавоҳир акамга турмушга чиқишга кўндирдим. Илтимос энди бизни тинч қўйинг. Мен сизни ҳеч қачон севмаганман, севолмайман ҳам. Дилшод қизга ва йигитга қаттиқ ўқрайганча жаҳл билан машинасига ўтириб кетади.
Севинч: Жавоҳир ака ойим тўйимизга рози бўлдилар.
Жавоҳир: Наҳотки? Кичкинароқ тўйга ҳам рози бўлдиларми?
Севинч: Ҳа, мен ойимни кўндирдим. Фақат илтимос мени бахтли қилинг. Мен сизга ишониб, ойимга катта гапириб юбордим. Биз шундай бахтли бўлишимиз керакки, ойим сизга узатганларига ҳеч қачон афсусланмасинлар.
Жавоҳир унинг қўлларини ушлаб: Албатта шунақа бўлади Севинчим. Сен ёнимда бўлсанг, ҳар қандай тўсиқларини енгиб ўтаман, биз албатта бахтли бўламиз... Иккиси бир бирига сўзсиз муҳаббат кўзи ила тикилиб туришарди... ЗТМ...
Кадрда титр берилади: Орадан вақт ўтди...
10 – ЭПИЗОД.
Кадрда Жавоҳирнинг бир хонали кичиккина уйи.
Севинч чиройли келинлик кўйлагида уй ишларини қилиб, уйларни тозалаб, чангларни артиб юрибди. Уйлари жуда оддий, таъмирсиз. Лекин шинам, тоза. Эшик жиринглаб онаси келади.
Севинч эшикни очса онаси турибди.
Севинч онасини қучоқлаб олади: Ойижоним, сизни жуда соғиниб кетдим. Киринг уйга, киринг... деганча онасини қўлидан кўтариб келган сеткани олади. Гулзода опа секин қизини уйига кириб келяпти.
Гулзода жуда оддий уйга қараб: Тўйинг ўтганига анча бўлдию, ҳалиям эски тос, эски тоғора деганидек ўтиришингни қара. Айтдимку бу эрингни бири икки бўлмайди асло. Уни устига ҳадемай болали бўлсангиз, қандай яшайсиз. Латта эринг рўзғорни эплайдими, ё бола чақаними?
Севинч: Майли ойижон қўяверинг. Муҳими мен бахтлиман. Қорним оч қолаётгани йўқ. Эрим меҳрибон, бошимда парвоналар.