Sapar Xojaniyazov(1910–1983)

Jalǵasbay Sultabaev 1948-jıl 25-mayda Taxtakópir rayonında dúnyaǵa keledi. 1964-1965–jılları Berdaq atındaǵı qaraqalpaq mámleketlik muzıkalı teatrında jumıs isleydi. 1966-jıl Tashkent mámleketlik teatr hám súwretshilik institutına oqıwǵa kiredi. 1971-2006 – jıllar aralıǵında házirgi Berdaq atındaǵı qaraqalpaq mámleketlik muzıkalı teatrında aktyor bolıp islegen.Ol teatr saxnasında 70 ten aslam ráńbáráń rollerdi atqarǵan. Onıń repertuarınan milliy qaharmanlardan baslap, jáhán klassika dramaturgiyası shıǵarmalarındaǵı túrli xarakterdegi obrazlar orın alǵan. Solardan: «Berdaq» spektaklinde Ernazar keneges, «Abu Rayxan Beruriy»de Sadıq, «Ójetler»de Matirza, «Ázireylini aldaǵan adam»da Azireyli, «Máńgi bulaq»ta Asqar, «Atı óshsin»de Gerostrat, «Kelin»de Rısnazar, «Jaralanǵan júrekler»de Baymurat, «Súymegenge súykenbe»de Kóshkinbay, «Sahibqıran»da Amir Xuseyin, «Bilmesten bastım tikendi»de Sabır, «Alpamıs»ta Baybóri, «Umtılǵanǵa tóle yar»da Shınıbay h.t.b. kóplegen spektakllerde obrazlardı sheberlik penen jaratıp tamashagóylerdiń alǵısına sazawar bolǵan.
2006-2014 – jıllar aralıǵında solteatrdıń bas rejissyorı bolıp islep keldi. Sol dáwirde «Hújdan», «Enaga», «Tabıttan shıqqan dawıs», «Laqqılar emlewxanada», «Yar diydarı», «Kelin», «Payǵambar jasındaǵı kúyew», «Umtılǵanǵa tóle yar», «Perzent táshwishi» h.t.b. spektakllerdi úlken jetiskenlikler menen saxnalastırıp kelgen.2015-jıldan baslap saxna rejissyorı bolıp islep kelmekte.
Onıń bul miynetleri húkimet tárepinen joqarı bahalanıp, 1977-jılı Qaraqalpaqstan Respublikasında xızmet kórsetken artist, 1984-jılı Qaraqalpaqstan Respublikası xalıq artisti, 1991-jılı Berdaq atındaǵı mámleketlik sıylıqtıń laureatı, 2007-jılı Ózbekstan Respublikasına xızmet kórsetken artist sıylıqları berildi.
Záwre Saypova. Óziniń joqarı saxnalıq sheberligi menen tamashagóyler qálbin jawlap alǵan, keńpeyil kewil iyesi Z.Saypova (Urazımbetova) 1945-jılı 10-dekabrdeKegeylirayonınıń Qırantawposyolkasındatuwıladı. Nókis qalasına kóship kelgennen soń 1954-jıldan baslap radioda balalar esittiriwine qatnasadı. Sol jerde úlken artistlerdi kórip, teatrǵa degen ıqlası artadı. Orta mektepti pitkergennen keyin ol 1962-jılı házirgi Berdaq atındaǵı qaraqalpaq mámleketlik akademiyalıq muzıkalı teatrında aktrisa bolıp miynet jolın baslaydı. Kúshli dramatizmge bay, keń diapazonǵa iye aktrisa, tábiyat inam etken talant penen saxnaǵa jarasqan sın-sınbatı birden kózge taslanıp, spektakllerde bas qáharman rollerin atqara baslaydı. 1963-jılı AKahxardın «Tabıttan shıqqan dawıs» spektaklinde jetim qız Ajar qızdıń rolin tabıslı oynaw menen ol qısqa múddet ishinde kózge tústi. 1974-jılı A.N.Ostrovskiy atındaǵı Tashkent teatr hám súwretshilik óneri institutının «Teatr hám kino aktyorlıǵı» fakultetine oqıwǵa kirip onı 1979-jılı pitkerip shıqtı. Sol jılı Eshmatov, Eshimbetovtıń «Jaylawdatoy»ında Zernegúl «Qudaǵaykeldi»de Maǵrupa, «Moskvalı kelin»de Valya, «Aqmaq patsha»da Ziywar, «Jol kórsetiwshi juldız»da Gúlásel, «Júrektin otı sónbesin»de Zebi, «Analar»da Gúljan, «Ernazar Alakóz»de Qumar ana, «Óz arzası menen»de Ulfat, «Berdaq»ta Biybitxan, «Gúnelek qız hám táwip»te Martina, «Arban awdarılmasın»da Landa, «Atı óshsin»de Klementina, «Eki dúnyanın áweresi»nde Sárdar, «Kelinler qozǵalanı»nda Muxayyo, «Jumagúl»de Orıngúl, «Meni sudlańlar»da Aygúl, «On úshinshi predsedatel»de ekinshi másláhátshi, «Ush boydaq»ta milicioner. «Áke hám bala»da Anar, «Kiyik, Qasqır, Qańbaq hám biyke»de Sulıw, «Aktrisanıń ıǵbalı»nda Arıwxan, «Muhabbatım gózzalıqta» Ayzada, «Bir úyde eki ómir»de Ulbosın, «Súymegengesúykenbe»de Gúlzada, «Ay tutılǵan tún»de Shafax, «Laqqılar emlewxanada»da medsestra, «Báddiwa»da Ana, «Pálektiń gárdishi»nde Gawhar rollerin oynap shıqtı. Telepostonovkalarda «Ókinish»te Shayırgúl, «Sud másláhatke ketedi»de Sudya, «Turmıs mektebin»de tergewshi, «Anajanlar»da Totınisa, «Adamsawdası»nda Ana ham taǵı basqa rolleri teatrımız tariyxında altın háripler menen jazılıp qaldı.
«Ózbektelefilm», «Qaraqalpaqtelefilm» studiyalarında túsirilgen «Qaysar», «Urı» kórkemfilmlerinde de roller atqardı.
Aktrisanıń dóretiwshilik miynetlerin húkimetimiz joqarı bahalap oǵan 1977-jılıQaraqalpaqstan Respublikasına xızmet kórsetkenartist, 1984-jılıQaraqalpaqstan Respublikası xalıqartisti húrmetli ataqları berildi. «Miynetveteranı» medalınalıwǵamiyasarboldı.