Sapar Xojaniyazov(1910–1983)

Bazarbay Uzaqbergenov. Ózbekstan xalıq artisti Uzaqbergenov Bazarbay 1957-jıl 1-sentyabr kúni Qaraqalpaqstan Respublikası Nókis rayonında tuwılǵan. 1980-1985 – jılları Tashkent mámleketlik teart súwretlew institutınıń muzıkalı drama aktyorlıǵı bóliminde oqıydı. 1985-jıldan Berdaq atındaǵı qaraqalpaq mámleketlik akademiyalıq muzıkalı teatrında vocal artisti lawazımında islep kelmekte.
B.Uzaqbergenov qaraqalpaq teatr ónerinde óz jolına iye aktyor. Ol kúshli dramatik aktyor sıpatında tamashagóyler qálbinen jay alǵan.
Teatrdaǵı miynet iskerligi dawamında ol bul jerde saxnalastırılǵan kóplegen spektakllerde oynadı. Olardan «Máńgi bulaq»ta Iskender, «Berdaq»ta Ernazar Alakóz, «Ájiniyaz» operasında Xan, «Ǵáripashıq»ta Shaxualet, «Xanuma»da Knyaz, «Sharyar»da Shasuar, «Jan qızlar»da Abduqadir, «Adalatqa qiyanet»te Patsha, «Sahıpqıran» da Ámir Temur, «Súymegengesúykenbe»de Ǵodalaq, «Urısqa nálet»te Sapar ota, «Keshikken muhabbat»da Qadir, «Más kelinshekler»de Salim, «Laqqılar emlewxanada» Palım, «Pálektiń gárdishi»ndeShal, «Kúlme maǵan»da Barlıqbay, “Alpamıs”ta Baysarı, “Nur sayada qalmaydı”da Chori boba, “Iman” da Yuldash Kamilov hám basqada spektakllerdejarqın obrazlardıjaratıp, tamashagóyler kewillerinen jay aldı.
1997-jıl A.Oripovtıń «Sahıpqıran» dramasındaǵı Ámir Temur obrazı Ózbekstan Respublikası teatrlarıtańlawında 1-orındı alıwǵa miyassar boladı.
Ol Qazaqstan, Tashken qalasında, Xorez walayatında ótkerilgen mádeniyat-doslıq kúnleriniń festivallarınıń Ózbekstan Respublikası ǵárezsizlik kúni, ulıwma xalıqlıq Nawrız bayrarmalı, iri mádeniy konferenciyalar, úlken teatrlastırılǵan koncertlerdiń belsene qatnasıwshısı.
2013-jıl Tashkent qalasında teatr jámááti menen gastrol saparında bolıp “Alpamıs”, “Intilganga tole yor” da Alavatdin, “Kelin” Sabir Axmedovich, 2016 jılǵı dóretiwshilik saparında bolsa “Ájiniyaz” operasında Panaxan, “Tumaris” operasında Kir patshası rollerin atqardı. Sonday-aq usı jılı “Sizni kuylaymiz zamondash” depatalǵan Respublika teatrlarınıń II-festivalında Q.Narqabıldıń “Nur sayada qalmaydı” spektaklindeShorı baba roli menen qatnastı.
Ol 1997 jılı “Ózbekstan Respublikasına xızmet kórsetken artist”, 2012 jılı “Ózbekstan Respublikası xalıq artisti” húrmetli ataqları menen sıylıqlanǵan.
Sonday-aq, teatr jámááti menen birgelikte mektep, licey, kolledj hám joqarı oqıw orınlarında oqıwshılar menen ushırasıp mádeniy hám ruwxıylıq keshelerinde qatnasıp keledi.