Sapar Xojaniyazov(1910–1983)

Sarbinaz Annakulova Qaraqalpaqstan Respublikasına xızmet kórsetken artist, Nihol sıylıǵınıń laureatı házirgi dáwirde jas talantlı qosıqshılarımızdıń biri.
S.Annaqulova 2007-jılı Tashkent mámleketlik kórkem óner institutinıń magistraturasın tamamlap kelgennen soń soń teatrda aktrisa bolıp óziniń miynet iskerliginbaslaydı.
Ol studentlik jıllarınan baslap-aq óz ıqlasbentlerine iye edi. Tashkent qalasında ótkerilgen Ózbekstan Respublikası Ǵárezsizlik bayramına, Nawrız ulıwma xalıqlıq bayramına arnalǵan hám basqada kontsert dásturlerinde qosıqları menen qatnasıp keldi.
Ol instituttı tamamlamastan aldın teatrdıń miráti menen N.Dáwqaraevtıń «Alpamıs» spektaklinde Gúlparshın rolin atqaradı. Tamashagóyler de, teatr qánigeleri de jas akrtisanıń sheberligine joqarı baha berdi. Onıń shıraylı hám kúshli hawazı, saxnada tolıp tasıp ariyalardı atqarıwı menen tamashagóyler mehirine sazawar boldı.
S.Annaqulova barlıq saxnalastırılǵan spektakllerde bas rollerdi atqarıp keldi. Olardan «Alpamıs» dramasındaǵı Gúlparshın, «Tabıttan dawıs» ta Ajar, «Ándisheli kelinshek» te Almaxan, «Súymegenge súykenbe» de Aysanem, «Yar diydarı» nda Maqpal kibi rollerdi aytıp ótiw orınlı.
2013-jılı Tashkent qalasında teatr jámááti menen gastrol saparında boldı. Sonday-aq usı jılı “Sizni kuylaymiz zamondash” dep atalǵan Respublika teatrlarınıń II festivalında Q.Narqabıldıń “Nur sayada qalmaydı” spektaklinde Shabnam roli menen qatnasıp, “Eń jaqsı hayal roli” nominaciyasın alıwǵa eristi.
K.Raxmanov, K.Allambergenov hám Q.Zaretdinovlar avtorlıǵında 2016-jılı qaraqalpaq xalıq dástanı tiykarında jazılǵan «Edige» muzıkalı dramasında Qaraqas obrazın jarattı.
Sonday-aq, usı jılı Tashkent qalasında ótkerilgen “O’zbekiston Vatanim mening” qosıq tańlawında IIorındı iyeledi.
Onıń repertuarında «Dembermes», «Jaslıǵım», «Sánemjan», «Azat Watan», «Sonday erkin zamanlar», «Áziyz ustazlar», «Tań samalları», «Qaraqalpaq qızları», «Qız jigit aytısı», «Nalımaspan sirá», «Xalqım» hám taǵı basqa qosıqları orın alǵan. Ol óziniń dóretiwshiligin hám qosıqshılıq hám teatr aktrisası sıpatında júrgizip kelmekte. Búgingi kúnge deyin óziniń jas bolıwına qaramastan ol birqansha bas rollerdi atqarıp kelmekte. 2007-jıl «Nihol» sıylıǵınıń laureatı,2013-jılı “Qaraqalpaqstan Respublikasına xızmet kórsetken artist” ataǵın alıwǵa miyassar boldı.