Sapar Xojaniyazov(1910–1983)

Marqabay Úsenov 1982-jıl 23-dekabrde Nókis qalasında tuwıladı. 2006-jılı Tashkent mámleketlik teatr hám súwretshilik institutın tamamlap, sol jıldan baslap Berdaq atındaǵı qaraqalpaq mámleketlik muzıkalı teatrında aktyor bolıp isley baslaydı.
Teatrǵa keliwi menen oǵan bas qaharmanlardıń rollerin beredi. Solardan N.Dáwqaraevtıń «Alpamıs» muzıkalı dramasında Alpamis roli isenip tapsırıladı. Bul obrazdı jaratıw ushın rejissyorlar onnan úlken sheberlikti talap etedi. Marqabay óz náwbetinde berilgen isenimdi aqlap, bul obrazdı aktyorlıq sheberligi menen jaratıp shıǵadı.
Bunnan basqada hár qıylı xarakterdegi obrazlardı jaratıp kelmekte, bulardan «Tabıttan shıqqan dawıs»da Obidjan, «Ándiysheli kelinshekte» Qoplanbek, «Laqqılar emlewxanada»da Dáwen, «Yar diydarı»nda Kiyibay, «Súymegenge súykenbe»de Áwez, «Qımbatqa túsken muhabbat»ta Seksenbay.
2013-jıl Tashkent qalasında teatr jámááti menen gastrol saparında bolıp «Alpamıs», «Umtılǵanǵa tóle yar», «Kelin» spektaklerindegi óz rollerin atqaradı.
Marqabay Úsenov aktyorlıq sheberlikleri menen berge rejissyorlıq isinde de ózin sınap kórmekte. Onıń birinshi rejissyorlıq jumısı K.Raxmanov hám Q.Zaretdinovtıń«Muhabbat samalı» muzıkalı dramasın jańadan saxnaǵa qoyıwda óz átirapına jas aktyorlardı toplap 2017-jılı 16-iyun kúni Berdaq atındaǵı mámleketlik akademiyalıq muzıkalı teatrında shıǵarmanıń premerası boladı. Bul shıǵarmanıń qoyılıwı M.Úsenovtıń hám ondaǵı obrazlardı jaratqan jas talent aktyorlarınıń da debyutı bolıwına qaramastan shıǵarma jaqsı shıǵıp, tamashagóyler alǵıslarına miyassar boldı.

1^«Sániyat» jurnalı 2016-jıl, 3-4