Sanoat binolari

Ko‘p qavatli sanoat binolarining yuk ko‘taruv konstruksiyalari va temir beton karkaslari. Ko‘p qavatli sanoat binolari karkaslari asosan temirbeton, metall va bazi xollarda aralash konstruksiyalardan tayyorlanadi. Ko‘p qavatli sanoat binolarining karkaslari asosan temirbeton, metall va bazi xollarda aralash konstruksiyalardan tayyorlanadi.

Ko‘p qavatli sanoat binolarining temirbeton Yuk ko‘taruv konstruksiyalariga poydevorlar, poydevor to‘sinlari, ustunlar, to‘sinlar, tomning Yuk ko‘taruv konstruksiyalari, kran osti to‘sinlari, o‘rab turuvchi to‘sinlari xamda bog‘lov konstruksiyalari, orayopma va tom yopma konstruksiyalari kiritiladi.
Ko‘p qavatli sanoat binolarida poydevor konstruksiyalari xuddi bir qavatli sanoat binolaridagidek loyixalanadi va yig‘ma yoki quyma tarzda tayyorlanadi.
Ko‘p qavatli sanoat binolarining temirbeton karkaslarida montaj birliklari sonini kamaytirish va karkas konstruksiyalarining ishonchliligini oshirish maksadida balandligi ikki va uch qavatga muljallangan ustunlar xam ishlab chiqariladi. (rasm 18).
Temirbeton karkas ustunlarning ko‘ndalang kesimi 400 x 400 dan 400 x 600 mm gacha o‘lchamlarda bo‘lib 20 dan 60 gacha klassli betonlardan tayyorlanadi.
Temirbeton karkas ustunlarni biri-biriga maxkamlash choki orayopma panellarining joylashish satxidan 600 – 1000 mm balandlikda loyixalanadi.
Temirbeton karkas konstruksiyali binolarda qavatlararo yopmalarning to‘sin kesimlari tavr yoki to‘g‘riburchakli shaklda loyixalanadi. (rasm 19). To‘sinlar ustunlarga konsolli va konsolsiz tayanish mumkin.



Rasm 18. Orayopma to‘sini tayanadigan ko‘p qavatli ishlab chiqarish binolarining unifikatsiyalangan yig‘ma temirbeton elementlari:
a – ustunlar, b – rigel (to‘sin), v – yopma plitalar

Rasm. Orayopmalarni rigellarga (to‘sinlarga) o‘rnatish qismlari.
a – to‘g‘riburchakli rigellarga, b – polkali rigellarga:
1 – ustun, 2 – polkali rigel, 3 – bog‘lovchi orayopma plita, 4 – to‘g‘riburchak shaklidagi rigel, 5 – rigel metall qismlarini ustunlarga payvandlash, 6 – beton, 7 – orayopma metall qismlarini rigellarga payvandlash.

Qavatlararo orayopma va tom yopma panelllari qovurg‘asimon va g‘ovakli tekis xolda loyihalanib ishlab chiqariladi. Asosiy panellarning eni 1 dan 3 m gacha, yordamchi panellar esa - 590 va 740 mm kenglikda ishlab chiqariladi.

Qovurg‘asimon panellar balandligi 300 va 450 mm, g‘ovakli panellarning balandligi esa 220 mm qabul qilinadi. Panellar uzunligi ularning qo‘llanilish o‘rniga qarab 3 m dan 12 m gacha ishlab chiqariladi.