Республикаси олий ва ўрта махсус таълим вазирлиги

Тўпланиб (жамғариб) бориладиган своплар (accrual swaps) – томонлардан бирида улар бўйича фоиз тўловлари оқимлари фақат мос келувчи ўзгарувчан ставка қайд қилинган ёки вақти-вақти билан қайта кўриб чиқилиши мумкин бўлган белгиланган оралиқда жойлашган ҳолдагина пайдо бўладиган своплар.
Свопционлар (swap options, swaptions) – келажакда муайян санага белгиланган фоиз свопига кириш ҳуқуқини берадиган фоиз свопига опционлар. Уларга муқобил вариант сифатида иштирок этадиган кечиктирилган ёки форвард своплар (forward / deferred swaps) мукофот кўринишида бирон-бир бошланғич харажатларга эга бўлмайди (свопционлар каби), лекин томонларни белгиланган форвард санада своп битимига киришга мажбур қилади.
Шартли номинал қиймати ўзгарувчан своплар ҳам қўлланади.
Амортизация қилинадиган своплар (amortizing swaps) – шартли номинал суммаси вақт ўтиши билан кичрайиб борадиган своплар.
Ўсиб борадиган своплар (accreting swaps) – шартли номинал суммаси вақт ўтиши билан ўсиб борадиган своплар.
Своп бўйича ҳисоб-китоблар қайд қилинган ва ўзгарувчан ставкалар бўйича тўловлар дисконтланган суммасини ҳисобга олган ҳолда ҳисоб-китоб даврлари бошида амалга оширилиши мумкин – бу дисконтли своплар (discount swap). Нолга тенг купонли своплар (zero coupon swap) қайд қилинган купон мос равишда своп муддатининг бошида ёки охирида тўлов учун дисконт қилинадиган ёки жамғариладиган свопларни ифодалайди.
Фоиз свопларининг овернайт ставкали индекс своплари (overnight index swap) каби турида ўзгарувчан фоиз ставкаси сифатида овернайт фоиз ставкаси тўпланиб борадиган кундалик қийматлари индексидан фойдаланилади.
5.6-расм. Конверсион своп схемаси