Республикаси олий ва ўрта махсус таълим вазирлиги

5.7-расм. Валюта свопи схемаси


Валюта-фоиз своплари
Фоиз своплари тўловлар алмашинишини, жумладан, асосий сумма ва фоиз тўловларини турли валютада амалга оширишни кўзда тутиши мумкин. Бундай воситалар валюта-фоиз своплари (cross currency swap) деб аталади.
Муддатли битимлар учун валюта-фоиз свопи қуйидагиларни кўзда тутадиган своп шартнома ҳисобланади:
а) томонлардан бирининг иккинчи томонга валютани иккинчи томон учун белгиланган номинал сумма миқдорида мулк қилиб бериш мажбурияти ва иккинчи томон учун биринчи томонга биринчи томон учун белгиланган номинал суммани тўлаш мажбурияти;
б) иккинчи томоннинг битим санасидан камида уч иш куни кейин валютани биринчи томонга иккинчи томон учун белгиланган номинал сумма миқдорида мулк қилиб бериш мажбурияти ва биринчи томоннинг биринчи томонга бирини томон учун белгиланган номинал суммани тўлаш мажбурияти;
в) битим томони ёки томонларининг мос келувчи томон учун белгиланган номинал суммалар асосида ҳисоблаб чиқилган қайд қилинган ва/ёки ўзгарувчан суммаларни бир вақтнинг ўзида ёки вақти-вақти билан тўлаш мажбурияти.
Худди фоиз своплари билан бир хил тарзда валюта-фоиз своплари турлари қуйидагиларни ўз ичига олади:
–қайд қилинган ва ўзгарувчан фоиз ставкали тўловлар даврийлиги бир хил бўлган своплар;
–қайд қилинган ва ўзгарувчан фоиз ставкали тўловлар даврийлиги фарқ қиладиган своплар;
–томонлар улар бўйича турли валюталарда ифодаланган ўзгарувчан ставкалар тўлайдиган базис своплар;
–шунингдек, умумий валютадаги худди шундай своплар каби бошқа мураккаб тузилмалар.
Бунда своплар шартлари турли келишув валюталарида жавоб тариқасидаги тўловлар сифатида ҳам, тўловларни битим валюталаридан бирига ёки томонлар келишиб олган учинчи валютага конверсия қилишни кўзда тутиши мумкин.
Своп шартлари билан шартли номинал сумма бўйича бошланғич, якуний, шунингдек, оралиқ ҳисоб-китоблар кўзда тутилган бўлиши мумкин (оралиқ ҳисоб-китоблар шартнома муддати давомида номинал сумма ўзгарган ҳолларда вужудга келиши мумкин).