Республикаси олий ва ўрта махсус таълим вазирлиги

Кондуит (SPV) – секьюритизация ўтказиш учун махсус ташкил этилган юридик шахс бўлиб, активлар «пул»ини тўплайди ва шу «пул» остида ипотека қимматли қоғозлари чиқаради, сўнгра уларни бозорда сотади ва оригинаторни (банкни) қайта молиялаштиради.
Бунда ипотека кредити банк балансидан кондуит балансига ўтади. Кредит SPV балансига ўтказилган вақтдан бошлаб банк ушбу кредит учун рисклардан қутилади, янги молиялаштиришга эга бўлади ва, бунинг эвазига, фойданинг бир қисмини SPV билан бўлишади. Агар кредит бўйича дефолт юзага келадиган бўлса, зиённи фақат кондуит кўриши лозим бўлади.
Оригинатор – кредит ёки заёмлар берувчи шахс. Оригинатор берган кредитлардан келиб чиқадиган ҳуқуқлар махсус юридик шахс – кондуитга (SPV) берилгунга қадар унинг ўзига тегишли бўлади.
Кондуит харид қилинган кредитларни «пул»га тўплайди ва уларни инвесторларга MBS (Mortgage Backed Securities) кўринишида сотади. Ипотека қимматли қоғозлари бўйича рисклар кондуит ва инвесторлар ўртасида
тақсимланади (улушли бўлган ҳолатда) ёки фақат кондуитга дахлдор бўлади (қарзли ҳолатда).
Бундай моделни амалга ошириш самарали бўлади, фақат у давлат ёрдамида кенгайтирилган ипотека бозори инфратузилмаси яратилган ҳолатдагина ўринга эга бўлиши мумкин. Икки поғонали модель дунёнинг фақат бир мамлакати – АҚШда етарли даражада ривожланган, бошқа мамлакатларда у қадар кенг тарқалмаган. АҚШда, кўп сонли кичик кондуитлардан ташқари, учта жуда йирик кондуит фаолият кўрсатади. 2007 йил ҳолатида (ипотека инқирози бошланиш даври) улардан фақат биттаси – Джинни Мэй (GNMA – Government National Mortgage Association) давлат томонидан кафолатланган (ҳукумат агенти бўлган ҳолда), қолган иккитаси (Фанни Мэй ва Фредди Мак) хусусий бўлиб, 2008 йил давлат мулкига айлантирилган. 2007–2008 йиллар рўй берган ипотека инқирози шуни кўрсатдики, ҳатто рискларни тақсимлаш самарали тизими ҳам давлат томонидан қаттиқ тартибга солинмаган ҳолда молиявий «пуфак»ка айланиши ва ўз ортидан инқирозга олиб келиши мумкин.