Ravish so'z turkumiga oid mulohazalar mundarija: kirish

Tadqiqot manbai. XI-XIV asr yozma manbalariga murojaat qilindi.
Tadqiqotning maqsadi va vazifalari. Tadqiqotning asosiy maqsadi boshqa yondash turkumlar tizimida ravishning o‘rnini belgilash hamda mazkur turkumning lingvistik tabiatini muayyanlashtirishdan iborat. Ushbu maqsadni amalga oshirish quyidagi vazifalarni hal qilish bilan bog’liq ravishda kechadi: - so‘z turkumlarini ajratishning mantiqiy mezonlarini belgilash;

• 
  tilshunoslikda ravish turkumi tasnifiga asos bo‘luvchi mezonlarga munosabat bildirish;
  
• 
  o‘zgarmaslik omiliga qat’iy rioya qilgan holda ushbu turkumning aniq talimotni ochish hamda o‘zbek tilining lingvistik tabiatiga mos ravish tasnifini berish;
  
• 
  mustaqil ma’noli o‘zgaruvchan so‘zlarning ravishga va aksincha, ravishning ot ve sifatga o‘tishini kuzatish; ravish va ravish bo‘lmagan so‘zlarning bir-biriga ta’sir doirasini yoritish.
  

Kurs ishining ilmiy yangiligi:

• 
  so‘z turkumlarini ajratishning mantiqiy mezonlari bo‘yicha fikr-mulohazalar bayon etildi;
  
• 
  ravish mutlaqo o‘zgarmas mustaqil so‘zlar guruhidan iborat ekanligi asoslab berildi;
  
• 
  ravish yasovchi lisoniy qoliplarning unumli va unumsizligi aniqlanib, tegishli xulosalarga kelindi;
  
• 
  ravishning semantik-funksional ma’nolari, qo‘llanishi doirasi tahlil etildi so‘zlarning ravishga, ravishning ot va sifatga o‘tish sabablari ko‘rsatiladi; - manbalarda ravish sifatida berilgan so‘zlarning qiyosiy ko‘rsatkichi keltirildi.
  

Tadqiqotning metodologik asosi va tadqiq usullari. Ishning metodologik asosini diaxronik qonunlar tashkil etadi. Ishda umumiylik va xususiylik, qiyosiytarixiy tahlil kabi usullardan foydalanildi.
Tadqiqot natijasining nazariy va amaliy ahamiyati. Kuzatish natijalari so‘z turkumlari, ularni tasniflash mezonlari, so‘zning morfemik tarkibida bo‘ladigan o‘zgarishlar, so‘z yasalishi, so‘zning semantik tarkibi, so‘zlarning bir guruhdan ikkinchi guruhga "o‘tishi" bo‘yicha muayyan ilmiy hamda amaliy materiallar bera oladi.