Радиоэлектроника асослари муҳаррир — Қ. Азимов

4.7. Амплитудаларни чеклаш. Диодли чеклагичлар


Занжирга таъсир этувчи сигнал амплитудасининг бирор қисмини кесиб ташлаш жараёни амплитудалар­ни чеклаш деб аталади. Уни амалга оширувчи қурил- ма амплитуда чеклагичи ёки чеклагич деб аталади.
Чеклагичда чиқиш сигналининг шакли бирор сатҳ- гача кириш сигнали шакли билан мос тушади, сўнгра у ўзгармас ёки кам ўзгарадиган бўлиб қолади. Чиқиш сигналининг кириш сигнали шакли билан мос келадн- ган қиймати чеклаш чегараси (остонаси) ёки чеклаш сатҳи — баландлиги деб аталади.
Чеклаш жараёнида кириш сиг­налининг амплиту­даси ё қуйи томондан, ё юқори томоидан чекланиши мумкин. Шунга қараб чеклаш ё қуйидан (минимум бў- йича), ё юқоридан (максимум бўйича) деб аталади. Бир вақтда ҳам қуйидан, ҳам юқоридан чеклаш эса, икки ёқлама чеклаш бўлади.
Амплитудаларни чеклаш турли мақсадларда қўлланилади. Масалан:

• 
  гармоник тебранишдан тўғри бурчакли, учбурчакли ва бошқа шаклдаги импульсларни ҳосил килишда;
  
• 
  сигналларнинг максимал ёки минимал амплитудасини чегаралашда;
  

— амплитудаси бирор қийматдан катта бўлган сиг- налларни ажратиб олишда;

• 
  импульс сигналларининг бирор қутби (мусбат ва манфий)ни ажратиб олишда;
  

— давом этиш вақти жуда қисқа бўлган ўткир им- пульсларни ҳосил қилишда ва бошқалар.

• 
  Амплитудаларни чеклаш жараёни чизиқли бўлмаган жараён бўлгани учун чеклагичлар чизиқли бўлмаган занжир бўлиб ҳисобланади.
  

Ҳозирда чеклагичларнинг жуда кўп турлари мавжуд. Улар чизиқли бўлмаган элементнинг тури ва ха- рактеристикаеига қараб, қандай мақеадга хизмат қилишига ва жуда кўп бошқа белгиларига қараб синф- ларга ажратилади ва турлича номлар билан юрити- лади.
Диодли чеклагичлар схемаси икки хил бўлади: кетма-кет ва параллель. Кетма-кет схемада диод нагрузка резистори билан кетма-кет уланади ва сўндирувчи қаршилик вазифасини бажаради. Параллель схемада эса, у нагрузка резистори билан параллель уланади ва ав­томатик шунт вазифасини бажаради. 4.12а-расмда диодли чеклагичнинг кетма-кет схемаси кўрсатилган.