Radio jurnaliSTİKA

Siyasətçilər. 
Günün, həftənin və ya ayın ən önəmli 
məsələləri barədə maraqlı müsahibələr verə bilərlər. 
Lakin siyasətçilərin dedikləri, adətən, onların şəxsi 
siyasi mövqeyini əks etdirir və onlar bir qayda olaraq, 
başqa fikirləri inkar edir, hətta iddia edirlər ki, onların 
fikirləri faktı əks etdirən yeganə düzgün mülahizədir. 
Jurnalist kimi bunu daima nəzərə almalı və qarşındakı 
siyasətçinin iddia etdiklərini şübhə altında qoymağa 
hazır olmalısan. 
5. 
Təşkilatlar və təzyiq qrupları.
Bu mənbələr 
xüsusi mövqeni təmsil edir, adətən xüsusi maraq 
və ya demoqrafiya qrupu ilə əlaqədardır: məsələn, 
uşaqlarla bağlı təşkilatlar, təhsil məsələləri ilə 
bağlı qruplar, xərçənglə mübarizə aparan qruplar, 
görmə əllilliyi və ya ümumiyyətlə hər hansı əllilliyi 
olan qruplar. Normalda onlar mövqelərini ifadə 
etməkdə olduqca maraqlıdırlar və müəyyən məsələ 
bardə debat etməyə daim hazırdırlar. Lakin bu tip 
informasiya mənbəyi ilə bağlı bir çətinlik var: bu 
qruplar informasiyanın xüsusi bir şəkildə verilməsi 
üçün təzyiq edirlər, heç zaman hansısa emosiyalara 
qapılaraq kiməsə böhtan atılmasına imkan vermə!
6. 
Şəxsi əlaqələr. 
Jurnalistin əsas “həyat damarları”dır 
və bu tip kontaktlar jurnalistin “şəxsi məlumat 
bankı”nı təşkil edir. Bəzən bu şəxslərə zəng etməyə 
ehtiyac qalmır. Onlar baş verəcək hadisəni duyur və 
“eksklüziv” xəbər üçün jurnalistlə özləri əlaqə saxlayır. 
7. 
Xəbər agentlikləri. 
Reuters, Press Association, 
Agence France Press, İTAR-TASS kimi beynəlxalq 
agentliklər xəbər və informasiyanı müəyyən qiymətə 
satırlar. Radiostansiyanın bu mənbələrə ödəyəcəyi 
məbləğ stansiyanın potensial auditoriyasından və 
satın aldığı informasiyanın həcmindən asılıdır. 
8. 
Frilans jurnalistlər və agentliklər. 
Yerli xəbər 
agentlikləri, bölgədə çalışan frilans jurnalistlərlə yaxşı 
əlaqələr radiostansiyalar üçün son dərəcə önəmlidir. 
Bir xəbər komandasının bütün yerli, milli xəbərləri 
əhatə etməsi qeyri-mümkündür. Odur ki, daim bu tip 
xidmətlərdən yararlanmalıdırlar. Frilanslar da iki cür 
olur: tam frilanslar – onlar eksklüziv xəbər aldıqda, 
eyni anda bir neçə radio stansiyaya təklif edir və ən 
böyük qiymətə satmağa çalışırlar. Bir də stringerlər 
(ing. stringer) var. Onlara aylıq olaraq kiçik məbləğ 
ödənir. Əvəzində onlar qarşılarına çıxan bütün yaxşı 
xəbərləri ilk olaraq həmin radiostansiyaya gətirirlər. 
Sonra stansiya istifadə etdiyi hər xəbər üçün onlara 
müəyyən, əvvəlcədən razılaşdırılmış məbləğ ödəyir. 
Frilanslar eyni zamanda uzun sürən xəbər 
hekayələrini izləmək üçün uğurlu seçimdir. Kiçik ştata 
malik olan radiostansiyanın bir əməkdaşını bir xəbər 
hekayəsini (məsələn, məhkəmə işi, beynəlxalq yarış 
və s.) izləməyə ayıra bilməz. Əvəzində bu işi frilans 
jurnalistlər görür. 
Digər tərəfdən, bölgələrdə çalışan frilanslar 
radiostansiya üçün yerli informasiya mənbələrinin 
(qəzet və regional TV) yaydığı informasiyanın 
icmalını hazırlayır və stansiya bəyəndiyi bəndi ona 
bildirdikdən sonra sırf bu barədə xəbər hazırlaya 
bilər (məsələn, həmin regiondan olan bir tələbənin 
beynəlxalq uğuru, orada bitən maraqlı bir bitki, iqlim 
dəyişikliyi və s.).
9.