Radio jurnaliSTİKA

BİR JURNALİSTLİK XƏBƏR OTAQLARI

---

57
V BÖLÜM
RADİO XƏBƏRİN HAZIRLANMASI / 
MÜXTƏLİF XƏBƏR MƏNBƏLƏRİNDƏN İSTİFADƏ
1. 
Qəza xidmətləri. 
Bir çox ölkələrdə polis, 
yanğınsöndürmə və təcili tibbi yardım xidmətləri 
media qurumları ilə əlaqələrini qoruyur. Kütləvi 
informasiya vasitələri bu mənbələrin informasiyasına 
ehtiyac duyur və elə məhz bu səbəbdən də 
onlarla müntəzəm əlaqə saxlayır. Qəza-xilasetmə 
xidmətləri də medianın yardımına ehtiyac duyur. 
Necə? Məsələn, baş verən hansısa qəzadan sonra 
şahidlərin meydana çıxıb polisə kömək etməsi və 
ya cinayətkarlıq əməlində iştirak edən birinin aşkar 
edilməsi, xəstəxanaya tanınmaz halda gətirilib orada 
keçinən bir şəxsin qohumlarının tapılması üçün 
media vasitəsilə əhaliyə müraciət edilə bilər. Bəzən 
bir qəza baş verdiyi zaman insanlar qəza xidməti ilə 
yanaşı, KİV-ə də zəng edirlər. Məhz bu xidmətlərlə 
yaxşı əlaqələrin qurulması son dərəcə önəmlidir. 
Çünki böyük hadisələr baş verdiyi zaman təfərrüatları 
öyrənmək üçün ən dəqiq qaynaq məhz onlardır. 
2. 
Yerli əlaqələr.
İctimaiyyətin nümayəndələri hər 
hansı hadisə haqqında informasiya vermək, ya da öz 
başlarına gələni danışmaq üçün radiostansiyaya zəng 
edirlər. Təbii ki, bunun üçün onları ruhlandırmaq və 
təşviq etmək gərəkdir. İnsanlar həm də ətraflarında 
gördükləri, yaşadıqları yerin problemlərindən bəhs 
edə bilərlər. Amma jurnalist hadisəni izləyirsə, 
işıqlandırırsa, onu hər tərəfli işıqlandırmalıdır.
3. 
Press-relizlər. 
Çox faydalı informasiya mənbəyi 
ola bilər. Lakin yalnız və yalnız xəbərin bazası kimi 
çıxış etməlidirlər. Jurnalist press relizin qaynağı ilə 
əlaqə saxlayıb daha ətraflı informasiya almalıdır. 
Bu qaynaq qurumun mətbuat və ya ictimaiyyətlə 
əlaqələr şöbəsi də ola bilər, qurumun media ilə 
əlaqələrini təmin edən mediakonsern də. Ancaq 
son dərəcə diqqətli olmalısan: heç zaman unutma 
ki, press-relizlər xəbərin bir tərəfini əks etdirir, 
onu yazan mütəxəssislər də hekayənin yalnız öz 
tərəflərindən görünən tərəflərini sizə təqdim edirlər. 
Çox ola bilsin ki, o press-relizin arxasında daha böyük 
informasiya durur və sən jurnalist olaraq hekayəni 
daha dərindən araşdırmalısan. Misalı nəzərdən 
keçirək.Ümumiyyətlə, radio bu materialdakı olayı 
işıqlandırmaqda qərarlaşdırırsa, jurnalist ilk növbədə 
press-relizi yayan qurumla əlaqə saxlamalı və ona 
uyğun sualları verməlidir. Məsələn, burada həmin 
gənclərin hansı əsasla seçildiyi (müəyyən fakültədə 
oxuduqlarına görə, yaxud şəxsi istək əsasındamı), 
bu tərəfdaşlığın hansı şəkildə davam etdirilməsinin 
planlaşdırıldığı kimi suallarla müraciət edilə bilər və 
bununla da məhz həmin radioda səslənən informasiya 
digərlərindən fərqli olacaqdır.
Digər tərəfdən, Azərbaycanda bu institut yeni-
yeni formalaşsa da, böyük korporasiyaların yaxşı 
təşkil edilmiş PR komandaları var ki, onlar sizə yaxşı 
informasiya verməyə daim hazırdırlar. Çünki onların 
işi məhz budur. Lakin qeyri-peşəkar mətbuat katibi və 
ya PR menecerin göndərdiyi press- relizdə ya tədbirin 
tarixi göstərilməz, ya səhvən əlavə informasiya