Radio jurnaliSTİKA

GİRİŞ:
 “Hadisə səhər saat 8 radələrində baş 
verib...
ÇIXIŞ:
 ...və polis şahidlərdən xahiş edir”
MÜDDƏT:
 1.45
GERİ ANONS:
 Əgər sizin baş verən qəza ilə 
bağlı hər hansı informasiyanız varsa, zəhmət 
olmasa, bu nömrələrə zəng edin:: …..

---

61
V BÖLÜM
RADİO XƏBƏRİN HAZIRLANMASI
XƏBƏRİN AUDİTORİYANIN ZÖVQLƏRİNƏ VƏ EHTİYACLARINA UYğUNLAŞDIRILMASI: 
HARA QƏDƏR DAVAM EDƏ BİLƏRİK? 
Radiostansiyalar
öz auditoriyası ilə əlaqə yaratmaq 
ehtiyacını daim hiss edir. Auditoriyanın konkret 
tələbləri və gözləntiləri var ki, bunlar da bir sıra 
amillərdən – onların yaşından, dinləyici tərkibinin 
cins balansından (əsasən, qadındırlar, ya kişi?), onların 
maraqlarından və həmçinin də günün vaxtından 
asılıdır. Elə bu səbəbdən də xəbər bülletenləri çox 
zaman bu gözləntilərə və tələbatlara adaptasiya edilir. 
Bəzi auditoriyalar daha “sərt” xəbərlər istədiyi halda, 
digərləri daha “yumşaq” hekayələrlə maraqlanır. 
Auditoriya araşdırması səni dinləyənlərin kim olduğu, 
onlardan hansı hissəsinin nə vaxt və nə zaman 
radionu dinlədiyi barədə əvəzsiz informasiya verir. 
Bir də öz məhsullarını reklam etmək üçün stansiyalara 
pul ödəyən reklamçılar var. 
Bu qrupların hər biri onlar üçün yayımladığın 
xəbərlərə görə gərginlik yarada bilərlər. Əgər 
auditoriyan, əsasən, gənclərdən, məsələn, 18-35 yaş 
aralığından ibarətdirsə, onlar beynəlxalq və hətta ölkə 
miqyaslı xəbərlərlə maraqlanmaya bilərlər, bu kəsimi 
daha çox idman və incəsənət xəbərləri, məşhurların 
həyatında baş verənlər maraqlandırır. Lakin elə günlər 
olur ki, bu cür radiostansiyalar üçün xəbər hazırlamaq 
çətinləşir. Məsələn, dünyada və regionda bir çox 
hadisələr baş verdiyi halda, sənin toxunduğun sferada 
sabitlik hökm sürür. Digər tərəfdən, auditoriyaya 
xitab etməyən xəbər hazırlamaq çox adamı narahat 
edə bilər. Məsələn, valideynlər onların uşaqlarının 
sevimli musiqi proqramı yayımlandığı zaman sənin 
uşaqlara tətbiq edilən zorakılığa və ya amansız bir 
qətlə dair hazırladığın xəbərə sərt reaksiya verə 
bilər. Və ya elə bir hadisə ola bilər ki, sən auditoriyan 
etibarilə buna mütləq reaksiya verməli olarsan 
və bu sizin (radio olaraq) reklamçılardan birinin 
məhsullarınının tənqidi ilə bağlı ola bilər. Bu cür 
hallarda nə edəcəyinizin dəqiq və sadə bir cavabı 
yoxdur. Bu cür vəziyyətlər isə hər gün baş verə bilər.