Radio jurnaliSTİKA

Verilişin adı və açar musiqisi
proqram üçün əsas 
göstəricidir. Verilişin adı insanın həyatı, onun keçmişi 
və bugünü haqqında müəyyən xatirələr oyatmalı, 
növbəti mövzuya ipucular verməlidir. Məsələn, 
“Həyatın rəngləri”, “Səyahət”, “Bu gün”, “İdman 
icmalı” və “Qadın saatı” kimi adlar özü-özünü izah 
edir. “Karusel”, “Kaleydoskop”, “Almanax”, “Ailə 
albomu”,”Kitab dünyası” kimi adlar oxucuya daha az 
kömək edir, orada olan müxtəlif məqamlardan ipucular 
verilsə də, əsas məqamlara toxunulmur. “Təmas” və 
“Üfüq” kimi adların da enerjisi yoxdur, bunlarda çox az 
məlumat olur və buna görə də mövzunu təsvir etmək 
üçün tez-tez yarımsərlövhələrdən istifadə edilir. Ardıcıl 
olan proqramlar, məsələn, Dicey proqramları adətən 
müəllifin adı ilə tanınır. Deməli, verilişə ad düşünərkən 
onun məqsədini, hədəfini və əsas mövzuları çox dəqiq 
nəzərə almaq lazımdır. 
Açar musiqi
adından da göründüyü kimi, elə cazibədar 
olmalıdır ki, dinləyicini dərhal ovsunlayıb verilişə 
tərəf çəkə bilsin. Kimsə heç vaxt efirdə rast gəlmədiyi 
verilişə, məhz təsadüfən açar musiqini dinləyib 
axıradək qulaq asa bilər. Bəzən uzun müddət efirdə 
• Jurnаl tipli (maqazin) prоqrаmlаrın hazırlanması
• Diskussiya proqramları
• Telefon proqramları
• Studiyadankənar yayım
• Musiqi proqramları
• Səhər şousu
• Müəllif verilişləri
• Radiokanal

---

67
VI BÖLÜM
İRİHƏCMLİ PROQRAMLARIN HAZIRLANMASI / 
JURNАL TİPLİ (MAQAZİN) PRОQRАMLАRIN HAZIRLANMASI
olan proqramlara çoxları təsadüfən dinlədiyi açar 
musiqisinə görə qoşulur. Ona görə də açar musiqisi elə 
seçilməlidir ki, dinləyici onu eşidəndə radionun səsini 
artırsın. O həm də verilişin üslubuna uyğun olmalıdır 
– məzmunca yüngül, ciddi və ya nostalji hisslər bəxş 
etməlidir. Uyğun seçilmiş musiqi artıq 15-ci saniyədə 
dinləyicinin əhval-ruhiyyəsinə təsir göstərməlidir. 
Maqazin redaktorları musiqi şablonundan uzaq 
olmalıdırlar. “Təbiət qeydləri”nin pastoral təqdimata 
ehtiyacı olduğu halda, dini maqazinlər musiqiyə çox 
yer ayırmırlar. Əgər məqsəd müəyyən dinə qulluq 
edən insanların diqqətini cəlb etməkdirsə, onda dini 
musiqidən istifadə etmək olar. Amma əgər məqsəd, 
sadəcə, dindar adamları deyil, daha geniş auditoriyanın 
diqqətini cəlb etməkdirsə, onda dini mövzuların 
dərinliyinə getməmək lazımdır. Dini maqazinləri 
xristian maqazinləri və ya kilsə proqramları ilə 
qarışdırmaq olmaz.