Radio jurnaliSTİKA

Əlaqələndirmə üslubu. 
Aparıcıları seçərək və 
onların nə yazacaqları və ya redaktə edəcəklərini 
müəyyənləşdirərək əlaqələndirilmiş materiala 
ssenarinin əksər hissəsi ilə uzlaşan üslub vermək olar. 
Verilişin rəngarəngliyi. 
Hər proqram yeni maraqlı 
faktlarla və sürprizlərlə dolu olmalıdır. Birincisi, 
mövzunun individual elementləri dinləyici üçün yeni 
və aydın olmalıdır. İkincisi, elementlərin sırası və 
işlənməsində onlar arasındakı fərqlər qeyd edilməlidir 
və dinləyiciyə canlı yanaşma təşkil olunmalıdır. 
Gündəlik maqazinlər, xüsusən də, xəbər maqazinləri 
üçün müsahibələrdə uğur qazanmaq asandır. 
Bu proqramların hər biri maraqlı ola bilər, amma 
gündəlik təkrarlanan materiallar hətta dəyərli olsalar 
da, dinləyicini darıxdıra bilər. İstənilən halda uzun-
uzadı danışıqlar, xüsusən də bir nəfər tərəfindən 
həyata keçirilirsə, bezdirici olacaq, buna görə də 
belə halların qarşısını almaq lazımdır. Müxtəlif səslər, 
məkanlar, aktuallıq və musiqi parçalarından istifadə 
bütün proqrama fərqlilik və parlaqlıq bəxş edir, bu, 
möhtəşəm olmasa da, dinləyicilərin gözlədiyi bir şey 
olur.

---

68
Proqram ideyaları
Yaxşı proqram hazırlamaq bir işdir, onu hər gün və 
ya hər həftə, hətta bir il ərzində onu davam etdirmək 
başqa bir iş. Kiçik heyətin köməyi ilə bir nəfər verilişi 
davamlı etmək üçün tapşırıqları necə təyin edə bilər? 
Birincisi, prodüserin iş vaxtı bitsə də, o, həmişə yeni 
elementi görmək və ya eşitmək üçün axtarışdadır. 
Onun həmişə kiçik qeyd dəftəri olur ki, hətta kiçik 
təəssürat yaradacaq elementi qeyd etsin. İkincisi, 
gündəliklərə, ildönümlərinə, gələcək hadisələr 
haqqında əlavə məlumatlara diqqət yetir. Üçüncüsü,
əlaqələrini genişləndir. Bu, həm də mümkün qədər 
çoxlu oxumaq və ya ən azından tədqiqat aparmaq 
deməkdir. Maqazin proqramları üçün qəzetlər, uşaq, 
ticarət, dini jurnallar, kiçik reklamlar, plakatlar, İnternet, 
bir sözlə, hər bir şey ideya mənbəyi ola bilər. 
Prodüserlər studiyadan kənara çıxmalıdırlar. Bu, yerli 
radioda milli radioya nisbətən daha asandır. 
Yaxşı dinləyici ol!
Həm mediada, həm də şəxsi söhbətlərdə insanların 
problemləri və narahatlıqlarından, onları sevindirən 
şeylərdən xəbərdar ol! 
Yeni ideyalar üçün əməkdaşları həvəsləndir, əgər 
onlara ödəməyə pul yoxdursa, o zaman onları mükafat 
gözlədiyindən əmin et!
Əgər özündən razı olsan və özünü “hər şeyi bilən” kimi 
göstərsən, hamı səndən uzaqlaşar və tək qalarsan. 
Amma səmimi olsan, insanlar yeni fikirlərlə sənin 
yanına gələrlər.
Müəyyən bir mövzuya yeni element əlavə etmək 
qərarına gələrkən prodüserin onu tətbiq etmək üçün 
bir neçə variantı olmalıdır. Azacıq yaradıcı yanaşma 
proqramın “darıxdırıcı” olmasının qarşısını alacaq.