Radio jurnaliSTİKA

Mini-sənədli verilişlər 
- uzun paketlər maksimum 15 
dəqiqəyə kimi olur.
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA
DAHA UZUN GÜNLÜK OLAY PROQRAMLARI VƏ SƏNƏDLİ RADİO VERİLİŞLƏRİ / SƏNƏDLİ RADİO PROQRAMLAR
DAHA UZUN GÜNLÜK OLAY PROQRAMLARI VƏ SƏNƏDLİ 
RADİO VERİLİŞLƏRİ
Bu həm sürəkliliyinə, həm də hazırlanmasına sərf 
edilən vaxta görə radio formatında, bəlkə də, ən 
uzunmüddətli veriliş sayıla bilər. Radiopaketlər 10-15 
dəqiqə sürürsə, sənədli verilişlər 15-30, bəzən bir saat 
sürə bilər. Amma bu verilişlər təkcə müddətinə görə 
fərqlənmir, həm də kontenti, məzmunu daha geniş və 
ətraflı olur.
Bu verilişləri hazırlanması üçün bir neçə addım:
▪ İşıqlandırmaq üçün bir-neçə ya bir sıra olayı seçmək 
lazımdır. Bu proqramlar birdən artıq mövzunu əhatə 
edə bilər, amma struktur dəqiq fokuslu və aydın 
olmalıdır.
▪ Tədqiqatın dərinliyi təmin olunmalıdır. Özəlliklə, 
sənədli verilişlər daha dərin araşdırma tələb 
edir. Uzunluğunu kompensasiya etmək üçün çox 
maraqlı, yeni informasiyalar çatdırmaq və insanları 
təəccübləndirmək, axtarışın spektrini geniş tutmaq 
lazımdır.
▪ Müxtəlif fikirləri əhatə etmək üçün müsahibləri 
diqqətlə seçmək gərəkdir. Bu formatlar həm də 
kontent müxtəlifliyi ilə seçilməlidir. Fərqli fikirləri 
təqdim etmək üçün maraqlı müsahiblər tapılmalıdır.
▪ Balans (siyasi, emosional, müxtəlif fikirlərin silsiləsi) 
çox əhəmiyyətlidir. Balans heç də həmişə iki əks 
fikri göstərmək deyil. Bəzən əks fikir olmaya da bilər 
və ya deyilən fikir nadir, az rast gəlinən ola bilər. 
Reportaj birtərəfli də hazırlana bilər, bir şərtlə. Əgər 
sonradan balanslaşdırılacaqsa, məsələn, digər bir 
verilişdə müzakirəyə çıxarılacaqsa.
▪ Verilişin hazırlanması çox vaxt apardığından burada 
artıq “üzrxahlıq” qəbul edilmir. Filankəs danışmadı, 
filankəsi tapa bilmədim, telefona cavab vermədi 
kimi səbəblər keçərli deyil. Kimisə tapmadın, onu 
əvəz edəcək digər birini tapmalısan. Bu da ola bilər 
ki, məsələn, hansısa siyasətçi sualları cavablamır. O 
zaman onun reportajdakı “boş stul”unu göstərirsən, 
sadəcə, dinləyiciyə deyirsən ki: “X dəfə zəng etsək 
də, suallarımızı cavablamaqdan boyun qaçırdı”. Bir 
sözlə, sən onlara sözlərini deməyə şans verirsən, 
üz çevirirlərsə, bu, onların problemidir. Prinsipial 
olaraq isə informasiya almaq üçün müsahibləri