Radio jurnaliSTİKA

Fiçələr, müzakirələr və reportajların hazırlanması
Xəbər buraxılışlarının müxtəlif formatları var – ana və 
ara xəbərlər, həftəlik icmal, analitik proqramlar və s. Bu 
verilişlərin hər birini canlandıran və xəbər yükü olan 
elementləri var. Bu, fiçə, müzakirə, müsahibə və ya 
sadəcə, reportaj formatında ola bilər.
Adətən, yekun, icmal, həftəsonu xəbər buraxılışlarında 
bu cür geniş formatlardan istifadə olunur.
▪ Fiçə. Xəbər paketinin daha davamlı, uzun olan 
formasıdır. Bu, proqrama müxtəlif səslər gətirəcək, 
ortamı canlandıracaq və xəbərlərin daha yaxşı 
qavranılmasına yardımçı olacaq.
▪ Müsahibə. Bəzən vaxt məhdudiyyətindən hansısa 
məqamlar qaranlıq qalır və ya reportajda nəsə 
çatışmazlıq olur. Verilişə çağırılan qonaqla müsahibə 
suallara aydınlıq gətirə bilər (bu əvvəlcədən yazılma 
müsahibə də ola bilər).
▪ Müzakirə. Həftənin, günün ən önəmli olayı ətrafında 
iki və daha artıq qonaqla (ekspert, siyasətçi, 
mütəxəssis) aparılır. Bu, hadisəni anlamaq və analiz 
etmək üçün əla çıxış yoludur.
Mətn (ssenari) hazırlandıqdan sonra
1. Səsini yazırsan və montaja başlayırsan. Lazımlı 
səslərin hamısı hazırdırsa, struktura baxa-baxa səsləri 
düzməyə və bir-birinə qarışdırmağa başlayırsan.
2. İntro (aparıcı üçün yazılmış lid). Bu, reportajın bir-iki 
cümləlik təqdimatıdır. İntro qısa, amma dinləyicinin 
nədən söhbət gedəcəyini anlayacağı tərzdə 
yazılmalıdır. O, azı bir yeni informasiya verməlidir ki, 
dinləyicidə materialın ardını eşitməyə maraq oyansın. 
Amma heç də reportajın əsas hissələrini, açar fikirləri 
söyləmək olmaz. Bunları versən, əksinə, insanlar əsas 
məqamları bildiyi üçün davamını dinləməyə bilər. 
3. Zamanla bağlı bir dəyişiklik varsa, onu da introya 
əlavə etmək olar. Çünki o, dəyişilə biləndir, amma 
sənin reportajın yox.
4. Hazırladıqdan sonra reportajı bütünlüklə dinlə. Hər 
detalın yerində olduğuna, faktların düzgün verildiyinə 
diqqət et. Bütün materiala fasilə vermədən qulaq as. 
Gec olmamış, redaktə ediləcək nüanslar tapa bilərsən!
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA
XƏBƏR VƏ GENİŞ HƏCMLİ VERİLİŞLƏRDƏ RADİOPAKETLƏRİN, DİGƏR MƏZMUNLU MATERİALLARIN İSTİFADƏSİ