Radio jurnaliSTİKA

nəticə verə bilməzsən. Əgər sən axtarışlarını doğru 
aparmısansa, doğru insanlardan müsahibə almısansa, 
bunlardan bir çıxarış edə bilərsən. Bunu etməkdən 
çəkinmə. Öz-ozünə sual ver: “Dediklərimin 
doğruluğunu sübut etmək üçün məhkəmə qarşısına 
çıxarsam, gerçəyi sübut etməyə dəlillərim varmı?” 
Əgər varsa, o zaman yaz (söylə) getsin!

---

42
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA
XƏBƏR PAKETİ (VƏ YA BOXÇASI): ƏSAS PRİNSİPLƏR VƏ PRAKTİKA
XƏBƏR PAKETİ (VƏ YA BOXÇASI): ƏSAS PRİNSİPLƏR VƏ 
PRAKTİKA
Boxça (paket) - müxtəlif baxış, ideya, hekayətlər, 
fikirlər, emosiyalar, faktlarla dolu olan bir bağlamadır. 
Bunları reportyor səliqə ilə bir-birinin ardınca sıralayır. 
Yadda saxla ki, statistik faktlar siyahıda nisbətən 
aşağıda gəlir. Bu, onların əhəmiyyətsiz olmağı anlamına 
gəlmir. Sadəcə, çoxlu informasiya, rəqəmlər, adlar, 
bir sözlə, statistik faktlarla radionu ağırlaşdırmaq 
olmaz. Radio daha çox hissləri, hadisəni danışmağı, 
olayın təsvirini sevir. Peşəkar reportyorlar öz radio 
boxçalarını hekayə danışırmış kimi hazırlayırlar.
Yaxşı radio paket, əsasən, öncədən yazılmış müsahibə 
və səs effektlərindən istifadə etməklə dinləyicinin 
diqqətini çəkən və olayın xəbərləməsinə bir bəzək, 
yaradıcılıq qatan olmalıdır.
Radio paketi isti xəbər və kiçik radio reportajlardan nə 
fərqləndirir?
▪ burada tələsiklik yoxdur, operativlik öndə getmir,
▪ bu, adətən, çox böyük bir tədbir, mürəkkəb bir 
mövzu, araşdırılmalı problem ola bilər,
▪ hazırlanması vaxt ala bilər və günlük reportajlar kimi 
deyil,
▪ bu günlük xəbər kimi də deyil - daha dərin işləməyə, 
araşdırmağa, maraqlı müsahiblər tapmaq üçün daha 
çox vaxt sərf etməyə imkan olur,
▪ daha yaradıcı yanaşma tələb edir və jurnalist öz 
təxəyyülünü işə salmalıdır,
▪ səs effektlərindən, yeri gələrsə, musiqidən istifadə 
edilir,
▪ daha çox müsahib, daha müxtəlif səs çoxluğu var.