Radio jurnaliSTİKA

Qısa cümlələrlə yazın
Araşdırmalar göstərir ki, 15 sözdən uzun olan cümlələr 
anlaşılmaq üçün mürəkkəbdir. Dinləyiciləri qədim 
Yunanıstandakı spartalıların vəziyyətinə salmaq lazım 
deyil. Bir dəfə onlar Samos adasından gələn elçinin 
uzun nitqini səbrlə dinlədikdən sonra deyiblər: “Biz 
onun əvvəldə nə dediyini unutduq, sonda dediklərini 
isə anlamadıq, çünki əvvəli yadda saxlaya bilməmişdik”.
Ssenarini yazmazdan öncə
▪ Planını aydın tut, müsahiblərini, məkanını, səsləri bil.
▪ Səs yazmada, müsahibədə diqqətli ol. Yazdığın 
səslərə yenidən qulaq as və hər şeyi qeyd et. 
Ola bilər ki, sənə lazımsız kimi görünən detal, 
sonra gərəkli olar. Məsələn, müsahiblərdən biri 
gözləmədiyin cavabı verirsə, ona uyğun ola biləcək 
ya sitat, ya olayın səsini, bəlkə də, lazımsız bilib 
kəsmək istəmisən.
▪ Çalış öz materialını hər zaman özün montaj et - 
OXUMA
→ Oxu diqqətin tam cəmlənməsini tələb edən 
fəaliyyətdir, oxu ilə paralel başqa şeylə məşğul 
olmaq mümkün deyil.
→ Oxucu oxu üçün istənilən zamanı seçə bilər.
→ Oxucu anlamadığı mətn hissələrini yenidən və 
yenidən oxuya bilər.
→ Oxucu hansı surətlə oxumağa və nə vaxt fasilə 
verməyə özü qərar verir.
→ Oxucu məqalənin uzunluğunu görür və bütün mətni 
nə vaxt oxuyacağına özü qərar verir.
DİNLƏMƏ
→ Dinləmə diqqətin tam cəmlənməsini tələb etməyən 
fəaliyyətdir.
→ Dinləyici radioyayım cədvəlinə bağlıdır.
→ Dinləyici informasiyanı yalnız bir dəfə eşidə bilər.
→ Dinləyici radiospikeri izləyir, əgər bir anlıq qulaq 
asmırsa, informasiyanın bir hissəsini itirir.
→ Dinləyici informasiyanın nə qədər davam edəcəyini 
əksər hallarda bilmir. Amma son texonologiya 
bunu da həll edə bilib. Məsələn, hazırda BBC-nin 
mobil telefon proqramını yüklədikdə, bütün cədvəl 
saatbasaat, dəqiqəbədəqiqə sizə açıq olur.