Qozoqboy yoldoshev, valijon qodirov, jalolbek yoldoshbekov

Poloniy:
Shohim, bu yaxshi tadbir.
Valekin men ishonaman, taxminim o‘sha: Savdoyiligiga sabab - ishq-u muhabbat.
Ha, aytganday, qizalog‘im, ne deysan? Faqat Hamlet aytganlarin yana takror aylama.
Biz eshitdik.
Siz sohibi tadbirsiz, Hazrat.
Sizning o‘rningizda bo‘lsam, tomoshadan so‘ng Malikani Hamlet bilan uchrashtirardim.
Toki bekam surishtirib qarasin obdon, Istasangiz, suhbatlarin eshitay pinhon.
Malika ham etolmasa bu jumboqni hal,
Mayli, jo‘natingiz uni Angliyaga,
Yo zindonga tashlang.

Qirol:
Shunday qilinur beshak,
Jinnilarni nazoratda saqlamoq kerak.
Ketadi.
3-sahna Qasrda bir xona.

Qirol:
Qirol, Rozenkrans va Gildenstern kiradilar.
Uni xush ko‘rmayman, uning jinniligiga Bardosh berib, papalashga yo‘q menda toqat. Farmoyishga imzo chekib, Angliyaga

Jo‘naturmiz sizni unga aylab rafoqat¹.
Axir ko‘tarmagay bizning rutbayi oliy Tasodiflar ortimizdan yursa izma-iz Devonalik niqobida.
Rozenkrans: Tangri ato etgan aql-u zakovat bilan
Falokatdan o‘zni asrash bizga farzi ayn.
Shundoq ekan, ayon gap-ku, ko‘pning hayoti - Bog‘liq bo‘lgan zotga qancha zarur ehtiyot.
Oddiy o‘lim emas axir shohning vafoti.
U ko‘plarni olib ketar adamga, hayhot,
U jar yoqasida turgan g‘ildirakdirki,
Oz emasdir kegaylari² bilan tishlari,
Ag‘darilsa, yakson bo‘lur, sochilur bari.
Hukmdorning yuragidan oh ucharkan bot - Xaloyiqning yuragidan yuksalur faryod. qirol: Xo‘p, marhamat qilib,
Tezda yo‘lga tushingiz.
O‘z erkicha yurgan balo-ofatga endi Kishan solish payti yetdi.