Qozoqboy yoldoshev, valijon qodirov, jalolbek yoldoshbekov

Qirol, Malika, Poloniy, Ofeliya, Rozenkrans va Gildenstern kiradilar.
qirol: Xullasi kalom, ochiq-oydin bilolmadingiz Jinniligi sababi-yu sinoatini?
Nechun asabiydir, qo‘rqmay oqibatidan Telbalikka qurbon etar farog‘atini?
Rozenkrans: Es-hushim o‘zimda yo‘q, majhulman, deydi,
Ne sababdan ekanini ammo aytmadi.
Gildenstern: Qancha so‘rab-surishtirdik, barisi bekor.
Sog‘ligidan so‘z ochildi deguncha nuqul Devonaning ayyorligi bilan chap berar.
Malika: Sizni nechuk qarshi oldi?
Rozenkrans: Tanti, mardona.
Gildenstern: O‘zni bir oz zo‘rlaganday tuyuldi yana.
Malika: Ko‘ngil ochmoqqa siz taklif etmadingizmi?
Rozenkrans: Ha, albatta.
Fursat o‘zi qo‘l kelib qoldi.
Yo‘lda aktyorlar bizga uchradi alhol.
Bu to‘g‘rida eshitdi-yu, sevinib qoldi.
Aktyorlar qasrdadir hozir baharhol.
Ular bugun o‘ynamoqqa buyruq ham oldi.
Poloniy: Chin haqiqat, kaminangiz tasdiq etadi.
Zoti oliylari, zoti oliyalarni
Hamlet tomoshaga bugun taklif etadi.
Qirol: Bajonu dil.
Men mamnunman eshitib, magar Topilibdi unga shundoq ermak-mayllar.
Toki yana qo‘l bermasin oshuftalikka , Havasini o‘stiringlar, ko'shish^I qilinglar. Rozenkrans: Sarf etgaymiz tamom kuch-u g‘ayratimizni.
Rozenkrans va Gildenstern ketadilar.
Qirol: Gertrudam, sen ham chiqib turgaysan endi.
Biz Hamletni chaqirtirdik bu yoqqa sekin:
O‘zi bundan bexabardir. Kutmagan mahal Bunda Ofeliyaga u duch kelib qolar.
Biz samimiy hakam bo‘lib Poloniy bilan Kuzatamiz, shahzodani qiynagan balo - Chindan ishq-u muhabbatmi yo bo‘lak savdo? Malika: Xo‘p, bo‘ladi, shohim.
Sizga, o, Ofeliya,
Tilagim shu: shahzodaning jinniligiga Yolg‘iz husni-jamolingiz sababchi bo‘lsin; Sharofatingizdan to‘g‘ri yo‘lga kirsin u,
Ikkingiz ham obro‘ toping.