Qozoqboy yoldoshev, valijon qodirov, jalolbek yoldoshbekov

Rozenkrans va Gildenstern ketishadi. Poloniy kiradi.
Poloniy: U onasi tomon o‘tdi.
Eshitmoqchiman -
Uning so‘zlarini gilam ortida turib.
O‘ylaymanki, onasidan ta’zirin yeydi.
Lekin sizning so‘zingiz haq: ona bokaram,
Ona rahmdildir, ziyon yetmasa kerak Birov chetdan eshitsa-yu, kuzatib tursa,
Ketayapman hukmdorim, hozircha xayr,
Yangi ma’lumotlar bilan uyqu oldidan Yana sizga yo‘liqaman. qirol: Do‘stim, tashakkur.
Poloniy ketadi.
Meni bo‘g‘ar qabohatim qo‘lansa dudi,
¹ Rafoqat — o‘rtoqlar, jo‘ralar; ²Kegay — g‘ildirakning qismi.
Manglayimda qadim kufr-u malomat muhri: Birodarkushligim! Yonib-o‘rtanib faqat, Talpinaman, etolmayman lekin ibodat.
Bilamanki, bu gunohni kechirib bo‘lmas, Xunobdirman, bilolmayman qaydan boshlashim, Shundoq mash’um arosatda yashashdir ishim. Magar boshdan-oyoq og‘am qoniga botsam, O‘shanda ham qonga botgan shu qo‘llarimni Qodirmasmi yuvib, shaffof aylasa falak?
Ne qilardi yovuzliksiz ezgulik zoti,
Zulm bo‘lmas ekan, shafqat nimaga kerak?
Biz ibodat etarmiz, to safolat¹ qadar - Qulamaylik, bizni qo‘lla, kushod ayla, deb,
Yo safolat cho‘nqiridan ozod ayla deb. O‘ksinishga hali erta. Boshingni ko‘tar!
Men yiqildim, turmoq uchun yiqildim, ammo, Xo‘sh, bu yerda joiz turur nechuk tavallo. “Qotilligim ma’zur ayla...” desammi ekan,
Yo‘q, bu sira mumkin emas, sira, mutlaqo. Qaytarmadim, axir, olgan o‘ljalarimni,
Qotil bo‘lib olganman-ku, axir ularni,
Qo‘limdadir toj-u taxt-u mulk-u malika.
Najot bormi osiy bo‘lib turgan kimsaga?
Oz emasdir bizda rosti shum jinoyatchi,
Oltin taqqan barmog‘i-la dag‘dag‘a qilar.
Uning qonlar to‘kib, yiqqan mol-u davlati Jazoga chap bermoqqa bir vosita bo‘lar,
Yo‘q, bu falak dargohiga o‘xshamaydi hech, Unda bizning kirdikorlar yotar yalang‘och.
Biz yuzma-yuz turib qilmish-kirdikor bilan Javob berajakmiz unda. Ammo ne iloj?
Nima qildim? Magar tavba-tazarru etay? Deydilarki, ijobatdir tavbaning kuchi,
Lekin tavba yo‘li tamom yopiq bo‘lsa-chi?
¹Safolat — yomonliklar, yovuzliklar.
Azob, azob! O‘lim yanglig‘ yuragim qora.
Ruhim loyga botib borar, cho‘kib tobora!
Farishtalar imdod eting! Tizzalarim tez Bukilingiz! Yurakdagi qo‘rg‘oshinim, sen,
Chaqaloqning paylaridek mayin tortgaysan!
Yo tavakkal!