Qishloq xo‘jalik ekinlarini zararkunandalari, kasalliklari va ularga qarshi kurash choralari

Biologik usul: enkarziya entomofagini zararkunandaning soniga qarab 1:10,

1:20 nisbatlarda 10x10m sxemada tarqatish. Oltinko‘z entomofagining 3-4 kunlik tuxumlaridan 1,0- 1,20 nisbatlarida 10 kun oralatib 2 marta chiqariladi.
Kimyoviy usul: zararkunandaning g‘o‘zaga xavfi bo‘lgan maydonlarda mospilan 20% n.k. -0,15 l/ga; konfidor 20% em.k. – 0,3-0,4 l/ga; tanrek 200 g/l s.e.k.-0,3-0,4 l/ga; deltafos 38% em.k. – 1,25-1,5 l/ga boshqa ruxsat etilgan preparatlar bilan ishlov beriladi.
Beda qandalasi - Beda qandalasi g‘o‘za ko‘saklarining 20% dan ko‘proq qismini shikastlaydi. (1.5-rasm). Bunday ko‘saklardagi paxta tolalari buziladi va bir-biriga yopishgan qo‘ng‘ir massaga aylanadi.

Kurash choralari.

Agrotexnik tadbirlar: g‘o‘zani chidamliligini oshirishga imkon beradigan tadbirlar(NPK o‘g‘itlar eritmasi bilan g‘o‘zani oziqlantirish, begona o‘tlarga qarshi kurash va qator oralariga ishlov berish.

Biologik usul: beda qandalasi lichinkalariga qarshi oltinko‘z entomofagining 3-4 kunlik tuxumlaridan 1:10; 1:20 nisbatlarida (kushanda:zararkunanda) 10 kun oralatib 2 marta chiqariladi. Zaruriyat bo‘lgan maydonlarga oltinko‘z tuxumidan 500-1000 tagacha chiqarish davom ettiriladi.
1.5-rasm. Beda kanadalasi imagosi.

Gʻo‘zaning kemiruvchi zararkunandalari

Kuzgi tunlam - O‘zbekistonda keng tarqalgan bo‘lib, uning qurtlari 34 ta oilaga mansub bO‘lgan yuzlab tur o‘simliklarga zarar yetkazadi. Kapalaklarning oldingi qanoti sarg‘ish kulrang, orqa qanoti to‘q tomirli oq tusda. Oldingi qanotining asosiga yaqin joyda ponasimon qoramtir dog‘i, markazda yumaloq, undan biroz yuqoriroqda buyraksimon dog‘i bor. Qurtlari 5 ta yoshni boshdan kechiradi. 5 yoshlik qurtlik fazasida tuproqning 5-15 sm chuqurlikda qishlaydi. (1.6 rasm). Kapalaklari o‘rtacha 500-600 tagacha tuxum qo‘yadi. O‘zbekiston sharoitida 3 marta avlod beradi. Birinchi avlod qurtlari g‘o‘zaga jiddiy zarar yetkazadi.