Qishloq xo‘jalik ekinlarini zararkunandalari, kasalliklari va ularga qarshi kurash choralari

Poliz biti. Bu zararkunanda xammaxo‘r bo‘lib, O‘sim-liklarning 46 turiga zarar yetkazadi. Rangi ko‘kish sarg‘ishdan to to‘q yashilgacha bo‘ladi. Tirik tug‘uvchi urg‘ochilarning boshi, oyoqlari, shira chiqarish naylari qora tusda bo‘ladi. Lichinkalik va imogalik bosqichida qishlaydi. Gʻo‘zadan keyin poliz ekinlariga uchib o‘tadi. 15-24 martagacha avlod beradi.
Katta g‘o‘za biti. O‘zbekistonning barcha paxta ekinlarindan keng tarqalgan. Boshqa bitlarga nisbatan yirikroq bo‘lib, tanasi ko‘kish yoki sarg‘ish, ko‘zlari qizil, oyoqlari va shira naylari juda uzun bo‘ladi. Tuxumlik bosqichida yantoq o‘simligida qishlaydi. 15-20ta avlod beradi.(1.2-rasm).

Kurash choralari.

Agrotexnik tadbirlar. Gʻo‘za ko‘chatlarini qator oralariga ishlov berish; NPK o‘g‘itlar eritmasi bilan g‘o‘za maysalarini bargi orqali oziqlantirish; begona o‘tlarga qarshi kurash.
Biologik usul: g‘o‘za bitlariga qarshi oltinko‘z entomofagining 3-4 kunlik tuxumlaridan 1:10,1:20 nisbatlarida 10 kun oralatib 2 marta chiqariladi. Zaruriyat bo‘lgan maydonlarga oltinko‘z tuxumidan 500-1000 tagacha chiqarish

davom ettiriladi; shira tushgan dalalarga xon qizi qo‘ng‘izlari, sirfid 4

pashshalari, afidiidlar va boshqa foydali xasharotlarni jalb etish.
Kimyoviy usul: g‘o‘za bitlarining soni vegetasiya davomida 8-10% o‘simliklarni barg plastinkasi o‘simlik bitlari bilan 5-25% qoplanganda mospilan 20% n.k. -0,15 l/ga; karbofos 50% em.k. – 0,6 l/ga; pilarmos 20% n.k. – 0,15l/ga; kamilot 20% n.kuk.- 0,15l/ga; kalipso 48% sus.k. – 0,05-0,07 l/ga; deltafos 38% em.k. – 1,0 l/ga; vertimek 1,8% em.k. – 0,4 l/ga va boshqa ruxsat etilgan dorilar bilan ishlov beriladi.
O‘rgimchakkana - Gʻo‘zaning ashaddiy zararkunandasi bo‘lib, 248 tur o‘simlik bilan oziqlanadi. Shundan 37 turi qishloq xo‘jalik ekinlari. O‘rgimchakkana 160-600 tagacha tuxum qo‘yadi. O‘zbekistonda 16-20 tagacha avlod beradi. (1.3 -rasm).