Qishloq xo‘jalik ekinlarini zararkunandalari, kasalliklari va ularga qarshi kurash choralari

3.2-rasm. Qon biti
Fevral-mart boshlarida bitlar qishlovdan chiqadi va daraxtlarga o‘rmalab chiqib, po‘stlog‘i nozik yoki zararlangan joylariga o‘rnashib oladi. Bitlarning

galalari sidirg‘a mum par bilan qoplanadi. Qon biti yoz bo‘yi 15-17 ta avlod berib rivojlanadi.

Kurash choralari.

Qon biti tushgan bog‘ ko‘chatzorlaridan ko‘chatlar olinganda, albatta zararkunandaga qarshi fumigasiya qilinishi shart. Qon bitiga qarshi kurashda kimyoviy vositalardan foydalanish yaxshi samara beradi. Qon biti yosh lichinkalik davrida qo‘llash uchun tavsiya etilgan sistemali ta’sir etuvchi kimyoviy preparatlar bilan ishlovlar berish kerak.
Olma biti - Rozmarin, Qandil sinap, Simirenko degan olma navlariga olma biti ko‘proq tushadi.
So‘nggi avlodning urg‘ochi bitlari chatishgandan keyin tuxum qo‘yadi. Har bir urg‘ochi bit yosh novdalarga 1-5 tadan tuxum qo‘yadi; kuzda, daraxt barglari to‘kilgandan keyin barg bitlarining qora tuxumlari ko‘zga yaqqol ko‘rinib qoladi. Tuxumlardan kelgusi yil ko‘klamidagina lichinkalar chiqadi (3.3-rasm).

Kurash choralari.

3.3-rasm. Olma biti.

Zararkunanda kuchli zararlagan va tuxum qo‘ygan shoxlarni bahorda qirqib tashlab, albatta kuydirish kerak; hosil uchun ahamiyati bo‘lmagan erkak novdalar xam bahorda va yozda qirqib tashlanadi, chunki bularda bitlar ommaviy rivojlanadi. Ularga qarshi ruhsat etilgan sistemali ta’sir etuvchi kimyoviy preparatlar bilan ishlovlar berish kerak.
Shaftoli biti - shaftoli biti shaftoli, o‘rik, olxo‘ri va bodomga, ba’zan behi bilan olmaga zarar yetkazadi. Bit so‘rib zararlagan daraxtlar yaxshi meva qilmaydi, yosh daraxtlar esa ba’zan nobud bo‘ladi.
Zararkunanda lichinkalari mart oyida paydo bo‘ladi. Bitlar tez ko‘payadi; yoz bo‘yi kamida 11 ta avlod beradi. Urg‘ochi bit bir-ikki oy yashaydi. Shuning uchun bir to‘dada bir necha avlod vakillari uchraydi.