Qishloq xo‘jalik ekinlarini zararkunandalari, kasalliklari va ularga qarshi kurash choralari

Unshudring kasalligining dastlabki belgilari o‘simliklarning barglarida oq paxtasimon dog‘ qatlami hosil qilish bilan boshlanadi. So‘ngra qatlam qalinlashib, kulrang yoki sarg‘ish-kulrang, bo‘rtib chiqqan yostiqchalar tusiga kiradi. Kasallik bargdan poya barglariga va boshoqlarga o‘tadi. Yostiqchalar ustida kasallik chaqiruvchi zamburug‘ning konidiyalari paydo bo‘ladi. Konidiyalar bir

2.7-rasm. Un shudring kasalligi.
xujayrali, rangsiz, silindrsimon shaklda, shamol orqali boshqa o‘simliklarga o‘tadi. (2.7-rasm).
Kasallik havo harorati 15-20°S va nisbiy namligi 80-95% bo‘lganida juda ham tez tarqaladi va rivojlanadi.

Kurash choralari.

Un shudring kasalligiga qarshi agrotexnik kurash choralari ham zang kasalliklariniki singari. Kimyoviy kurash choralari quyidagi jadvalda berilgan.

2.1-jadval. Gʻalla kasalliklariga qarshi kurash

Kasalliklar nomi	Qachon kurashiladi	Qo‘llaniladigan pereparat nomi va me’yori (l/ga, t/ga yoki kg/ga)
Qorakuya kasalliklari	Qorakuya tushgan daladan umuman urug‘lik olinmaydi	Urug‘lar albatta ekishdan oldin tabu m.e 60 g/l 0,4 l/t, Bahor-0,4-0,5; Bug‘doydor- 2,5; Vitavaks-2,5-3,0 yoki Raksil- 0,4-0,5 bilan dorilanishi shart.
Zang kasalliklari	10% va undan ko‘p o‘simliklar barglarida 1-2 tadan zang yostiqchasi bo‘lsa	Bayleton-1,0; Alto-Super-0,3; Folikur-BT-0,3-0,5; titul-0,3; Kolosal-0,3-0,5, uredosin, 22.5% k.e. 0,3-0,5l/ga.
Un shudring kasalligi	20% va undan ko‘p o‘simliklar barglari sirtini 5% da g‘uborlar bo‘lsa	Bayleton-1,0; Alto-Super-0,3; Folikur-BT-0,3-0,5; Impakt-0,5; titul-0,3; Kolosal-0,3-0,5
Toshkuya kasalligi	Doimo	Qo‘l kuchi yordamida terib olinib, yo‘qotiladi.