Qishloq xo‘jalik ekinlarini zararkunandalari, kasalliklari va ularga qarshi kurash choralari

Kurash choralari.

Agrotexnik tadbirlar: g‘allaning chidamliligini oshiradigan chora-tadbirlar (o‘g‘itlash, sug‘orish) zararli xasvani zararini pasayishiga yordam beradi va dala atrofini begona o‘tlardan tozalash.
Biologik usul: zararli xasvani kichik yoshdagi lichinkalariga qarshi oltinko‘z entomofagining 3-4 kunlik tuxumlaridan 1:10, 1:20 nisbatlarida 10 kun oralatib 2 marta chiqariladi; tabiatda zararli xasvani telenomus, faziya pashshalari kabi entomofaglari xam bor.
Kimyoviy usul: vegetasiya davrida Karate-0,15 l/ga; killer-0,5 l/ga; Nurel-D- 0,5 l/ga; Siperfos- 0,5 l/ga va boshqa ruxsat etilgan dorilar bilan ishlov beriladi.

Gʻallaning kemiruvchi zararkunandalari

Shilimshiq qurt kemiruvchi zararkunanda bo‘lib, Respublikamizning barcha g‘allazorlarida uchraydi. Uning qo‘ng‘izi tuproqda qishlaydi. Bahorda chiqib qo‘shimcha oziqlangandan so‘ng urg‘ochisi zanjirsimon shaklda 3-7 tadan qilib 200 tagacha tuxum qo‘yadi. Tuxumdan 7-14 kunda lichinka chiqadi. Lichinkasi ikki hafta davomida barg bilan oziqlanib, shilimshiq qoplamasini tashlab tuproqqa tushadi va 2-3 sm chuqurlikda g‘umbakka aylanadi (2.4 rasm).
Ikki haftadan so‘ng pilladan qo‘ng‘iz chiqadi va bahorgacha tuproqda

2.4-rasm. Shilimshiq qurt (imagosi, lichinkasi, g‘umbagi va zarari).
qoladi. Shilimshiq qurt yiliga 1 marta avlod beradi.

Kurash choralari.

Agrotexnik tadbirlar: Gʻallaning chidamliligini oshiradigan

chora-tadbirlar (o‘g‘itlash, sug‘orish) shilimshiq qurt zararini pasayishiga yordam beradi va dala atrofini begona o‘tlardan tozalash.
Kimyoviy usul: vegetasiya davrida Desis-0,25 l/ga; Nurel-D- 0,5 l/ga; Siperfos- 0,5 l/ga; Sipermetrin- 0,2 l/ga; Benzofosfat-2,0 l/ga; Fufanon- 2,0 l/ga va boshqa ruxsat etilgan dorilar bilan ishlov beriladi.