Qishloq xo‘jalik ekinlarini zararkunandalari, kasalliklari va ularga qarshi kurash choralari

3.8-rasm. Akasiya soxta qalqondori va uning zarari.
vujudga keladi, qaysiki meva va barg yuzasida dog‘ hosil qiladi. Bunday mevalarni sifati past bo‘ladi va qishda uzoq muddatga saqlab bo‘lmaydi. Soxta qalqondorlar ko‘payganda daraxt o‘sishini

susaytiradi. Bu zararkunandalar bahorda va yoz oylarida daraxt barglarida, kuz va qish fasllarida novda va shoxlarida yashaydi. Soxta qalqondorlarning lichinkalari va urg‘ochilari novdalar, butoq va barglarning shirasini so‘rib oziqlanadi. Shirasini yo‘qotgan butoq, novda va barglar o‘sishdan to‘xtaydi va hatto ayrim qismlari qurib qoladi (3.8 rasm).

Kurash choralari.

• 
  erta bahorda butalgan shox va novdalarni yoqish;
  
• 
  daraxtlar tanasi tozalanib, eski po‘stloqlarni yoqish;
  
• 
  kaliy va fosforli o‘g‘itlar bilan o‘g‘itlash va sug‘orish;
  
• 
  bog‘larni yoshartirish;
  
• 
  kuz va erta bahorda daydi lichinkalarga qarshi ruhsat etilgan insektisidlar ishlatish.
  

Binafsha rang qalqondor - danakli mevalarning barchasiga zarar keltiradi. Binafsharang qalqondor bir yilda ikki marta avlod berib rivojlanadi. Urug‘langan urg‘ochi xolida ingichkanovdalarda va kurtak qo‘ltiqlarida qishlaydi. Binafsharang qalqondor olma daraxtining eng xavfli zararkunandalaridan biri. U daraxtning tanasi, shoxi, novdasi va hosilini zararlaydi. Daraxtning kuchli zararlangan qismlari qurib qoladi. Daraxt tanasi va shoxida ko‘pgina darz va yoriqlar paydo bo‘ladi (3.9 rasm).
Daraxtlar o‘sishdan to‘xtaydi, tanasi deyarli yo‘g‘onlashmaydi, shox

3.9-rasm. Binafsha rang qalqondor
va novdalari quriydi, hatto daraxtlar qurib qolishi ham mumkin.

Binafsharang qalqondor tushgan yosh daraxtlar ikki, uch yilga bormasdan nobud bo‘ladi.