Qishloq xo‘jalik ekinlarini zararkunandalari, kasalliklari va ularga qarshi kurash choralari

Kimyoviy usul:

Urug‘ mevali bog‘ zararkunandalariga qarshi: Avaunt, 15% s.k. (0,35 l/ga); Admiral, 10% em.k. (0,5 l/ga); Konfidor, 20% em.k. (0,15-0,25 l/ga); Karate, 5% em.k. (0,4-0,8 l/ga); Benzofosfat,
30% em.k. (2,3-4,6 l/ga); Bi-58 (Yangi), 40% em.k. (0,8-2,0 l/ga); Desis, 10% em.k. (0,1-0,15 l/
ga); Fufanon, 57% em.k. (1,0-3,0); Karbofos, 57% em.k. (3,0); Nurell-D, 55% em.k. (1,0 l/ga);

Siperfos, 55% em.k. (1,0 l/ga); Nissoran, 5% em.k. (0,6 l/ga).
Danak mevali bog‘ zararkunandalariga qarshi: Benzofosfat, 30% em.k. (1,0-3,3 l/ga); Zolon, 35% em.k. (0,8-2,8 l/ga); Bi-58 (Yangi), 40% em.k. (1,2-2,0 l/ga); Nugor, 40% em.k. (1,2-2,0 l/ga); Danadim,
40% em.k. (1,2-2,0 l/ga); Omayt, 57% em.k. (0,9-1,2 l/ga); Desis, 2,5% em.k. (0,5 l/ga); Fufanon, 57% em.k.
(1,0-3,0).
Mevali bog‘larda qo‘llash uchun tavsiya qilingan fungisidlar: Urug‘ mevali bog‘ kasalliklariga qarshi: Bayleton, 25% n.k. (0.15–0.4 kg/ga); Batir,25% n.k. (0,4 kg/ga); Vektra, 10% s.k. (0.3 l/ga); Impakt,
25% s.k. (0,1 l/ga); Saprol 20% em.k. (1.0 l/ga); Topaz, 10% em.k. (0,2 – 0,3 l/ga) ; Topsin – M,70% n.k.
(1,0 kg/ga).
Danak mevali bog‘ kasalliklariga qarshi: Bayleton, 25% n.k. (0,06 -0,12 kg/ga); Bordo suyuqligi (30,0-60,0 kg/ga – mis kukuni bo‘yicha); Mis kuporosi, 98% n.k. (15,0-20,0 kg/ga); Temir kuporosi 53% n.k. (30,0-40,0 kg/ga).

4. TOKNING KASALLIKLARI VA ULARGA QARSHI KURASH CHORALARI

Tokning un-shudring (oidium, kul) kasalligi O‘zbekistonda oidium uzumning eng ashaddiy, keng tarqalgan va zararli kasalliklaridan biri hisoblanadi. Bu kasallik tufayli uzum hosilining 50%, ba’zi mavsumlarda esa 100% yo‘qotiladi. Tokning barcha yashil qismlari – barg, barg bandi, yashil novda, gul, to‘pgul popugi, gajagi, uzumi va uzum boshlari zararlanadi. Oldin barglarning ustki tomonida, dastlab oq, so‘ngra oqish-kulrang, siyrak, un yoki changga o‘xshash, ko‘zga tashlanmaydigan g‘ubor paydo bo‘ladi, keyinchalik u bargning ostki tomoni, barg bandlari va novdalarga o‘tadi.
Tokning antraknoz kasalligi barcha viloyatlarda uchraydi. Zararlangan toklarning barglari va gullari to‘kilishi, novdalari o‘sishdan orqada qolishi va uzum kam tugilishi natijasida, tok o‘sishi va hosili pasayadi. Surunkali va kuchli zararlangan tok 3-4 yildan so‘ng nobud bo‘lishi mumkin. Antraknozning zarari katta. Sernam ob-havoda iyun oyining boshida zararlangan tok barglarining 30% nobud bo‘ladi. Kuchli zararlangan shingillarning hosili sog‘lomlariga ko‘ra 3-5 marta kamayadi.