Qarshi davlat universiteti iqtisodiyot kafedrasi davlat boshqaruvida inson resurslari

1. Davlat xizmatchisini kasbiy qayta tayyorlash. Davlat xizmatchisini ta’lim dasturi doirasida oʻqishga yuborish asoslari:
a) davlat xizmatchisini kar’yera yoʻnalishi boʻyicha oʻsish tartibida boshqa davlat xizmati lavozimiga tanlov asosida tayinlash;
b) davlat xizmatchisini raqobat asosida davlat xizmati lavozimini toʻldirish uchun kadrlar zahirasiga kiritish;
v) attestatsiya komissiyasining davlat xizmatchisining davlat xizmati lavozimiga muvofiqligi toʻgʻrisidagi qarori (oʻquv dasturini muvaffaqiyatli oʻzlashtirib olish sharti bilan).
Kasbiy qayta tayyorlash natijalariga koʻra davlat xizmatchisiga qoʻshimcha malaka berilishi mumkin.
Davlat xizmatlarida yuqori va asosiy lavozimlar guruhiga tegishli "rahbarlar", "yordamchilar (maslahatchilar)" yoki "mutaxassislar", shuningdek muhim bir turkum davlat xizmati lavozimlari (ta’minotchi mutaxassislar)ni egallab turganlarni lavozimlarini almashtirish masalasi ish beruvchi vakili tomonidan aniqlanib, bunda davlat xizmatchilarining professional qayta tayyorlashdan oʻtishlari asosiy mezon sifatida qaraladi.
2. Davlat xizmatchisining malakasini oshirish. Davlat xizmatchisining malakasini oshirish zarur hollarda, ish beruvchining vakili tomonidan belgilanadi, lekin kamida uch yilda bir marta amalga oshiriladi.
Birinchi marta davlat xizmati lavozimiga qabul qilingan davlat xizmatchisi sinov muddati yoki davlat xizmatiga kirganidan keyin olti oydan soʻng malaka oshirish uchun yuboriladi.
Davlat xizmatchisi, shu toifadagi lavozimlar doirasida boshqa guruhning davlat xizmati lavozimiga karyera boʻyicha oʻsish tartibida tayinlangan taqdirda, malaka oshirish uchun yuboriladi.
3. Davlat xizmatchisining stajirovkasi. Davlat xizmatchisining stajirovkasi zarur hollarda, ish beruvchining vakili tomonidan belgilanadi. Davlat organlarida yoki boshqa tashkilotlarda oʻtkaziladigan stajirovka-ning maqsadi quyidagicha:
a) ilgʻor, jumladan, xorijiy tajribani oʻrganish;
b) davlat xizmatchisining kasbiy qayta tayyorlash yoki malaka oshirish davomida olgan nazariy bilimlarini mustahkamlash, ularning rasmiy vazifalarini bajarishda samarali foydalanishlari uchun amaliy koʻnikma va malakalarni egallash.
Stajirovka davlat xizmatchisining qoʻshimcha kasbiy ta’limining mustaqil turi, uning kasbiy qayta tayyorlash yoki malakasini oshirishning ajralmas qismi boʻlishi mumkin.