Qarori o‘zbekiston respublikasi davlat statistika qo‘mitasi faoliyatini tashkil etish to‘G‘risida

VI. Mol-mulki va xo‘jalik faoliyati
21. O‘zbekiston Respublikasi Davlat statistika qo‘mitasining mol-mulkini asosiy vositalar va aylanma mablag‘lar, shuningdek qiymati uning mustaqil balansida aks ettiriladigan boshqa boyliklar tashkil etadi.
22. O‘zbekiston Respublikasi Davlat statistika qo‘mitasini mablag‘ bilan ta’minlash va uning moddiy-texnika ta’minoti Davlat statistika ishlari dasturiga muvofiq Davlat budjeti mablag‘lari hisobiga amalga oshiriladi.
Davlat statistika ishlari dasturiga kiritilmagan qo‘shimcha statistika ishlariga haq to‘lash buyurtmachilar mablag‘lari hisobiga moliyalashtiriladi.
Oldingi tahrirga qarang.
O‘zbekiston Respublikasi Davlat statistika qo‘mitasi tomonidan olingan foyda, amortizatsiya ajratmalari, shuningdek boshqa tushumlar uning ixtiyorida qoladi hamda ulardan davlat statistikasining moddiy-texnika bazasini mustahkamlash va axborot-kommunikatsiya tizimini rivojlantirish, xodimlarning kasb mahoratini, o‘z lavozim vazifalarini sifatli bajarganligini, ijodiy faolligini va tashabbuskorligini rag‘batlantirish uchun belgilangan tartibda foydalaniladi.
(22-bandning uchinchi xatboshisi O‘zbekiston Respublikasi Vazirlar Mahkamasining 2012-yil 26-iyundagi 183-sonli qarori tahririda — O‘R QHT, 2012-y., 26-27-son, 293-modda)
Oldingi tahrirga qarang.
23. O‘zbekiston Respublikasi Davlat statistika qo‘mitasi o‘z faoliyatini har yili O‘zbekiston Respublikasi Vazirlar Mahkamasi tomonidan tasdiqlanadigan Davlat statistika ishlari dasturiga, shuningdek mahsulotlar, ishlar va xizmatlardan foydalanuvchilar bilan tuzilgan shartnomalarga muvofiq tashkil qiladi.
(23-band O‘zbekiston Respublikasi Vazirlar Mahkamasining 2012-yil 26-iyundagi 183-sonli qarori tahririda — O‘R QHT, 2012-y., 26-27-son, 293-modda)
24. O‘zbekiston Respublikasi Davlat statistika qo‘mitasi o‘z ishlari natijalarining tezkor va buxgalteriya hisobini amalga oshiradi, statistika hisobotini yuritadi.
Keyingi tahrirga qarang.
Vazirlar Mahkamasining 2003-yil
8-yanvardagi 8-son qaroriga
5-ILOVA