Psixologik trening asoslari. N. Ismoilova

15.3. Nizo dinamikasi 
 Nizo  rivojlanishi  uchun  tomonlardan  birining  ikkinchi  tomonning  qiziqishlarini  cheklab 
qo'yishga harakat qilishi bilan bog‘liq mojaro bo’lishi shart. Agar qarama- qarshi tomon ham xudda 
shu taxlitda javob qaytarsa, u holda nizo yashirin holatda eng muhim holat (daraja)ga o‘tadi. 
Nizo  qanchalik  murakkab  yoki  sodda  boiishidan  qat’iy  nazar  har  doim  uning  ikki  tomoni  - 
buzg'unchilik  va  yaratuvchanlik  tomonlari  mavjud  bo‘ladi.  “Qars  ikki  qo‘ldan  chiqadi” 
deganlaridek nizoning kelib chiqishi va rivojlanishiga har doim ikki tomon sabab bo‘ladi. 
1.  Ikkala  tomon  ham  nizo  yuzaga  kelganda  ziddiyatni  kuchaytirishga  harakat  qilishi  va 
shaxslararo munosabatlarda buzg'unchilikka olib kelishi mumkin. 
2.  Ikkala  tomon  ham  nizo  yuzaga  kelganda  ziddiyatni  pasaytirishga  harakat  qiladi  va 
shaxslararo munosabatlarda murosaga va osoyishtalikka olib kelishi mumkin. 
3.  Ikkala  tomondan  biri  nizoni  kuchaytirishga,  ikkinchisi  esa  pasaytirishga  harakat  qiladi. 
Bunday  vaziyatda  shaxslararo  munosabatlarda  osoyishtalik  yuzaga  kelshi  yoki  yangi  ziddiyatlar 
yuzaga kelishi mumkin. 
Nizoning dinamikasida quyidagi asosiy davrlar ajratiladi: