Pedagogika fanidan izohli lug’at. A avtomonitoring

Pedagogika fanidan izohli lug’at.
A
Avtomonitoring- bu o’qituvchining o’z kasbiy faoliyatiga qay darajada tayyorgarligini aniqlab borish. O’zlarini-o’zlari baholash va shu asosda o’zlarinining intellaktual salohiyatini muntazam rivojlantirishini nazorat qilish jarayoni.
Avtoreferat-ilmiy asar yoki tadqiqotning muallif tomonidan tayyorlangan qisqacha mazmuni, ifodasi.
Avtoritar pedagogika-Avtoritar pedagogika texnologiya deb ham yuritiladi. Bu ta’lim-tarbiya jarayoniga rahbarlikda o’qituvchining obro’siga asoslanish, unga o’quvchilarning ko’r-ko’rona, so’zsiz itoat etishlari. Bunda o’quvchilarni erkin va mustaqil fikrlashlari, shunday harakat qilishlari cheklangan bo’ladi.
Avtoritet-shaxsning boshqalar tomonidan e’tirof qilingan obro’si, fazilati, boshqalarga nisbatan ta’sir i va ular tomonidan qadrlanishi. Avtoritet chin yoki soxta bo’ladi.
Adaptatsiya- lotincha so’z bo’lib, adaptation –moslashuv ma’nosini anglatadi.
Adaptativlik- bunda qo’lga kiritilgan natija ilmiy tadqiqot ishi yo’nalishiga qarab turlicha bo’lishi mumkin. Ular qurilma, mexanizm, mashina va boshqa texnikalar: buyum, maket, model va h.k. Tadqiqot olib borish jarayonida qo’lga kiritilgan natijaning tadqiqot ob’ekti va predmetlarning xossa-xususiyatlari hamda ular orasidagi turli xil aloqadorlikni to’liq aks ettira olishligi tekshiriladi.
Adaptiv mashg’ulot- o’quvchining tashqi muhitga, jamoaga, mehnat vazifalarini bajara olishga moslashuvini ta’minlashga qaratilgan mashg’ulot.
Adekvat- (lotincha adequatus-tenglashgan, mos, aynan bir, o’xshash) –bilish nazariyasida narsa hodisalarnining xossalari va aloqalarini ularning ob’yektiv mazmuniga to’g’ri keladigan aniq va mos qilib olish. Inson ongi ob’yektiv borliqni ijtimoiy amaliyot asosida adekvat aks ettira boradi.
Ad’yunkt- oily ta’lim yoki harbiy yo’nalishdagi alohida dastur asosida ma’lum mutaxassislik bo’yicha nomzodlik disertatsiyasi ustida ilmiy ish olib borayotgan mutaxassislik yoki magistrlik diplomiga ega bo’lgan oily ma’lumotli izlanuvchi.
Akademik- yuksak ilmiy unvon. O’z R da O’z R FAda akademiklar saylanadi. Akademiklar unvoni O’z R FA va boshqa ilmiy hamda o’quv muassasalarining olim va ijodkorlariga, shuningdek ayrim shaxslarga beriladi.