Pedagogika fanidan izohli lug’at. A avtomonitoring

Axborot texnalogiyalari ( AT ) – bu tizim masalalarni yechimini topish maqsadida axborotlarni yig’ish, qayta tiklash, saqlash, ifodalash, tizimlash, uzatish va uni iste’molchiga foydalanishga qulay holga keltirish jarayonini kompyuter va telekommunikatsiya vositalari yordamida amalga oshiriladigamn, tartibga solingan va tashkillashtirilgan tizim va amaliy dasturlar majmuasidir.
Afaziya – bosh miya qobig’ining ayrim qismlari zararlanishi natijasida nutqning izdan chiqishidan iborat psixopatologik nuqson.
Akmeologiya – ( acme – gullagan davr, oily nuqta, yuqori cho’qqi ) o’qituvchi faoliyatida yuksak professionallikka, ya’ni kasbiy yetuklikka erishish bilan izohlanadi.
Aksiologiya – ijtimoiy subyektlar yaratgan pedagogik qadriyatlar yig’indisini ifodalab, insonni eng oily qadriyat deb biladi va jamiyat rivojlanishining maqsadi deb hisoblaydi.
B
Bakalavr – ( lotincha – baccalaria vassalning yer mulki ko’p mamlakatlarda dastlabki ilmiy daraja ) oily ta’limning tegishli bosqichiga muvofiq dasturlarni muvaffaqiyatli o’zlashtirgan shaxslarga beriladigan darajadir.

Bakalavriat – mutaxassisliklar yo’nalishi bo’yicha fundamental va amaliy bilim beradigan, ta’lim olish muddati kamida 4 yil davom etadigan tayanch oily ta’limdir.
Belgili ma’lumot – alifbo – raqamli belgilar majmui, ya’ni sonly va sifatiy belgilarni o’zida mujassamlashtirgan ma’lumot.
Bilim – borliqni bilish jarayonining amaliyotda tasdiqlangan natijasi. Obektiv reallikning inson ongida adekvat aks ettirilishi ( tasavvur, tushuncha, mulohaza, nazariyalar). U kundalik, ilmiy, emperik, nazariy bilimlarga ajraladi.
Bilimning tushunarligi – bu sifat, ta’lim oluvchilar tomonidan bilimlar o’rtasidagi aloqasini tushunishlarida, muhim va asosiy bo’lmagan aloqalarni ajrata bilishda, bilim olish usullari va tamoyillarini bilishda aks etadi.
Bilimlar – bu odamlarning ijtimoiy – siyosiy amaliyot jarayonida to’plangan umumlashgan tajribasidir.