Pedagogika fanidan izohli lug’at. A avtomonitoring

V
Valelogiya-salomatlik haqidagi ta’limot. Valelogiya-lotincha Vallo-“Salomatlik” va logos-“ta’limot” so’zlarining birikmasi. Valelogiya atamasini I.I.Brexman 1980 yillarda ilmiy muamalaga kiritgan. Valelogiya ta’limotining asosiy vazifalari quyidagilardan iborat: aholining tibbiy madaniyatini shakllantirish; aholining sog’lom turmush tarzini tashkil etish; millatning sog’lom genefondini asrash va uni keying avlodlarga yetkazish.
Vebral- lotincha so’z bo’lib so’zli, so’zdan iborat bo’ladi.
Vertikal pedagogika – yuqori sinf o’quvchilarining quyi sinf o’quvchilariga yordam ko’rsatishini tashkil etish shakli. Bunda har bir o’quvchining ayrim fan bo’yicha o’zidan bir sinf yuqorida o’qiydigan o’quvchilardan ilmiy rahbari va har bir sinf quyida o’qiydigan o’quvchilarda otaliqdagi o’quvchisi bo’ladi.
Vizual ma’ruza- bu ko’rgazmali ma’ruzadir. Bunda asosiy o’qitish metodi ko’rgazmali namoyish kino, tele va video kadrlar, slaydlar, diskdagi axborotlar o’qituvchi tomonidan sharhlanadi.
G
Geniy –har tomonlama taraqqiy etgan, avlodlar tajribasini ijodiy o’zlashtiradigan, uni o’z davriga tadbiq etib, yangi bilim va tajriba bilan boyitadigan, mustaqil fikrlar asosida yaratuvchanlik, ijodkorlik xususiyatiga ega bo’lgan shaxslardir.
Gimnaziya – O’zbekiston va ayrim xorijiy mamlakatlarda umumiy o’rta ta’lim o’quv yurti. Gimnaziyalar muayyan fan bo’yicha ixtisoslashtirilgan bo’lib, shu fandan chuqurlashtirilgan ta’lim beradi.
Gipnopediya –uyda o’qitish. Dars jadvalida hamda uyda dars tayyorlashda bir-biridan ko’proq farqli fanlar o’zaro ketma-ket bo’lishi yaxshi natija beradi.
Gipermediya kitoblar- multimediya kitoblarning takomillashgan shakli bo’lib, bunda foydalanuvch i asosiy matndan tashqari turli qo’shimcha manbalarga ham murojaat qilish mumkin bo’lgan kitoblardir.
Gistogramma – bu tekshiriluvchi belgilarini chastotali taqsimlanishi ”ustunli” diagrammasidir.
Global tarmoq –dunyoning ixtiyoriy davlatidagi kompyuterlar va local kompyuter tarmoqlarini o’zida birlashtiruvchi bosh tarmoq. Bu asosan INTERNET tarmoqlari orqali foydalaniladi.
Global ta’lim – bu bir vaqtning o’zida o’quvchilarning intellektual, hissiy, jismoniy, axloqiy va ruhiy xususiyatlarini rivojlantirish yordamida ularni tez o’zgaruvchan, juda murakkab, ko’p millatli va o’zaro aloqador hayotga birmuncha sifatliroq tayyorlashga yo’naltirilgan majmuaviy yondashuvdir.