1-мавзу. “Олдиндан зўриқтирилган темир-бетон конструкциялар технологияси” фанига кириш

 
Такрорлаш учун саволлар 
1. Монолит қурилишда арматурани таранглаштириш қандай
усулларда амалга оширилади? 
2. Канал хосил қилувчиларнинг қандай турларини биласиз ва улар
қандай ўрнатилади? 
3. Каналларга цемент қоришмаси қандай инъексия қилинади? 
4. Монолит қурилишда олдиндан зўриқтирилган Конструкцияларни 
тайёрлашда арматура нинг қандай турларидаш фойдаланилади? 
5. Анкер мосламалари нима учун хизмат қилади ва уларнинг
турлари хақида гапириб беринг. 

---

7-мавзу. Турли шароитларда бетон ишларини олиб бориш 
Р Е Ж А
1.Бетон ва темир-бетон ишларини совуқ вақтда олиб бориш.
2.Қуруқ иссиқ иқлим шароитида бетон ишларининг ўзига хос тарафлари.
3.Конструкциялар бетонининг мустаҳкамлигини назорат қилиш 
Бетон ва темир-бетон ишларини совуқ вақтда олиб бориш 
Ташқи муҳитнинг ҳарорати манфий бўлганда бетон ва темир-бетон
ишларини олиб боришда юқори сифатни таъминлаш мақсадида зарур 
талабларни бажариш зарур. 
Манфий ҳароратда бетон таркибидаги сув музлайди ва хасил бўлган
муз кристалларининг ҳажми сувникига нисбатан юқори бўлади. Шунинг
учун бетон ғовакларида унинг структурасини бузувчи юқори босим ҳосил
бўлади ва оқибатда бетоннинг мустаҳкамлиги пасаяди. Бетон қоришмаси
қанчалик вақтли музласа бетоннинг мустаҳкамлиги шунчалик пасаяди. Энг 
хавфлиси бетон қоришмасининг музлаши цементнинг қотиш вақтига тўғри 
келган вақтидир. 
Олдиндан зўриқтирилган Конструкцияларни завод шароитларида 
тайёрланишининг афзалликларидан яна бири шундаки, завод шароитида 
тайёрланган бетон қоришмасининг манфий ҳароратда музлаб қолишини
олдини олиш мақсадида ҳамма чораларни кўриш имкониятлари мавжуд.
Совуқ вақтда бетонлашда бетоннинг қотиш жараёнида бетон ташкил 
этувчиларини иситиш, ва цементни қотиши даврида ажралиб чиқадиган
иссиқлик ҳисобига мусбат ҳароратни таъминловчи энг кўп тарқалган
усулларидан бири бу термос усулидир. Бетоннинг қотиш жараёнини
тезлатиш мақсадида кимёвий қўшимчалардан ёки электр токи, буғ ва иссиқ
ҳаво ёрдамида иссиқлик ишлови бериш мумкин.
Олдиндан зўриқтирилган темир-бетон Конструкцияларни тайёрлашда,
агарда таранглаштирилувчи арматура коррозиядан ҳимояланмаган бўлса
бетон қоришмасини тайёрлашда совуққа қарши қўшимчалардан фойдаланиш 
мумкин эмас. Бетон ва темир-бетон ишларини совуқ вақтда олиб
борилганда завод лабораторияси ва техник ходимлар барча бажарилаётган
ишларни қаттиқ назорат қилишлари шарт. Олиб бориладиган ишлар
норматив хужжатларнинг талаблари асосида амалга оширилиши шарт.